നടി പാർവ്വതി തിരുവോത്തിന്റെ പുതിയ പോസ്റ്റാണ് സോഷ്യൽമീഡിയയിൽ ചർച്ചയാകുന്നത്. പ്രഗ്നന്റ് കിറ്റിൽ പോസിറ്റീവാണെന്ന് കാണിച്ച് പാർവ്വതി ഒരു ചിത്രം പങ്കുവെച്ചിരുന്നു. ‘ദ വണ്ടർ ബിഗിൻസ്’ എന്ന തലക്കെട്ടോടെയാണ് നടി ചിത്രം പങ്കുവെച്ചിരിക്കുന്നത്. ചിത്രത്തിന് താഴെ അവർക്ക് അഭിനന്ദനങ്ങളറിയിച്ചും നിരവധി പേർ പ്രതികരണവുമായെത്തി.
തൊട്ടുപിന്നാലെ ഗായിക സയനോരയും നടി നിത്യാമേനോനും ഇതേ പോസ്റ്റ് സോഷ്യൽ മീഡിയയിൽ പങ്കുവെച്ചു. പാർവ്വതി എഴുതിയ അതേ തലക്കെട്ടോടെയാണ് സയനോരയും നിത്യയും പോസ്റ്റ് പങ്കുവെച്ചത്. വരാൻ പോകുന്ന ചിത്രത്തിന്റെ പ്രമോഷനായാണ് പ്രഗ്നന്റ് കിറ്റിൽ പോസിറ്റീവ് തെളിയിക്കുന്ന ചിത്രവുമായി ഇവർ എത്തിയതെന്നാണ് സൂചന. സുഹൃത്തുക്കളായ ചിലരുടെ കമൻറുകൾ ഇക്കാര്യം സൂചിപ്പിക്കുന്നു.
എന്നാൽ പോസ്റ്റ് പങ്കുവെച്ചതിന് പിന്നാലെ പാർവ്വതി ഗർഭിണിയാണെന്ന രീതിയിൽ പ്രതികരണങ്ങളുയർന്നിരുന്നു. സംഭവത്തിന് വിശദീകരണവുമായി താരം പിന്നീടെത്തുമെന്നാണ് ആരാധകർ കരുതുന്നത്.
