കുഞ്ചാക്കോ ബോബനെ നായകനാക്കി ടിനു പാപ്പച്ചൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ ലുക്ക് പോസ്റ്റർ നടൻ മമ്മൂട്ടി പുറത്തിറക്കി. ‘ചാവേർ’ എന്ന് പേരിട്ടിരിക്കുന്ന ചിത്രത്തിൽ കുഞ്ചാക്കോ ബോബനൊപ്പം ആന്റണി വർഗീസ്(പെപ്പെ), അർജ്ജുൻ അശോക് എന്നിവരും കേന്ദ്ര കഥാപാത്രങ്ങളെ അവതരിപ്പിക്കുന്നു. കുഞ്ചാക്കോ ബോബന്റെ 46-ാം പിറന്നാളിനോടനുബന്ധിച്ചാണ് പോസ്റ്റർ പുറത്തുവിട്ടിരിക്കുന്നത്. സ്വാതന്ത്ര്യം അർദ്ധരാത്രിയിൽ, അജഗജാന്തരം എന്നീ സൂപ്പർ ഹിറ്റുകൾക്ക് ശേഷം ടിനു പാപ്പച്ചൻ സംവിധാനം ചെയ്യുന്ന ചിത്രമാണിത്. ‘ചാവേർ’ സംവിധായകന്റെ മറ്റൊരു സൂപ്പർഹിറ്റാകും എന്നാണ് സിനിമാ പ്രേമികൾ പ്രതീക്ഷിക്കുന്നത്.
ത്രില്ലര് ഗണത്തിൽപ്പെടുന്ന ചിത്രത്തിന്റെ തിരക്കഥ രചിച്ചിരിക്കുന്നത് ജോയ് മാത്യു ആണ്. ബിഗ് ബജറ്റിലൊരുങ്ങുന്ന ചിത്രം നിർമ്മിക്കുന്നത് അരുൺ നാരായണനും വേണു കുന്നപ്പിള്ളിയുമാണ്. ഈശോയ്ക്ക് ശേഷം അരുണ് നാരായണ് പ്രൊഡക്ഷന് നിര്മ്മിക്കുന്ന ചിത്രമാണിത്. മാമാങ്കം പോലുള്ള വലിയ സിനിമ നിർമ്മിച്ച കാവ്യ ഫിലിംസും കൈകോർക്കുന്നതോടെ ചിത്രത്തിന് പ്രതീക്ഷ ഏറെയാണ്. ജിന്റോ ജോർജ്ജാണ് ചിത്രത്തിന്റെ ഛായാഗ്രാഹകൻ. എഡിറ്റിംഗ് നിഷാദ് യൂസഫും സംഗീതം ജസ്റ്റിൻ വർഗീസും നിർവ്വഹിക്കുന്നു.
സിനിമയിൽ സംഘട്ടനം ഒരുക്കുന്നത് -സുപ്രീം സുന്ദർ ആണ്. പ്രൊഡക്ഷൻ ഡിസൈനർ-ഗോകുൽ ദാസ്, സൗണ്ട് ഡിസൈനർ-രംഗനാഥ് രവി, വസ്ത്രാലങ്കാരം-മെൽവി ജെ, മേക്കപ്പ്-റോണക്സ് സേവ്യർ, ചീഫ് അസോസിയേറ്റ് ഡയറക്ടർ-രതീഷ് മൈക്കിൾ, പ്രൊഡക്ഷൻ കൺഡ്രോളർ-ആസാദ് കന്നടിക്കൽ എന്നിവരാണ് മറ്റ് അണിയറ പ്രവർത്തകർ. ജിയോ എബ്രഹാം, ബിനു സെബാസ്റ്റ്യൻ എന്നിവർ ചിത്രത്തിന്റെ എക്സിക്യൂട്ടീവ് പ്രൊഡ്യൂസേഴ്സ് ആണ്.
