ബംഗളൂരു: കർണാടകയിൽ ടിപ്പു ജയന്തി ആഘോഷത്തിൽ വാളുമായി പങ്കെടുത്ത് കോൺഗ്രസ് നേതാക്കൾ. ബംഗളൂരുവിലെ ഗുദ്ദഹള്ളിയിൽ സംഘടിപ്പിച്ച ആഘോഷപരിപാടിയിലാണ് മുതിർന്ന നേതാക്കൾ ഉൾപ്പെടെ വാളുമായി പങ്കെടുത്തത്. ഇതിന്റെ ചിത്രങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
കോൺഗ്രസ് എംഎൽഎ ബിസ് സമീർ അഹമ്മദ് ഖാൻ ഉൾപ്പെടെയുള്ള നേതാക്കളാണ് പരിപാടിയിൽ പങ്കെടുത്തത്. വ്യാഴാഴ്ച വൈകീട്ടായിരുന്നു ഗുദ്ദഹള്ളിയിൽ ടിപ്പു ജയന്തിയുടെ ഭാഗമായി ആഘോഷപരിപാടികൾ സംഘടിപ്പിച്ചത്. ഇതിന്റെ ഭാഗമായി ഘോഷയാത്രയും സംഘടിപ്പിച്ചിരുന്നു. ഇതിലാണ് വാളുമായി കോൺഗ്രസ് നേതാക്കൾ പ്രത്യക്ഷപ്പെട്ടത്. കാണികൾക്ക് മുൻപിൽ ഇവർ ഘോഷയാത്രയിൽ വാൾ ഉയർത്തുകയും വീശുകയും ചെയ്തു. പരിപാടിയിൽ കോൺഗ്രസ് എംഎൽഎ മാദ്ധ്യമങ്ങളെ അഭിസംബോധന ചെയ്തതും കെെയിൽ വാളേന്തിയായിരുന്നു.
സംസ്ഥാനത്ത് മതപരിപാടികളിൽ ആയുധങ്ങളുമായി പങ്കെടുക്കുന്നതിന് വിലക്കുണ്ട്. ഇത് ലംഘിച്ചാണ് കോൺഗ്രസ് നേതാക്കൾ വാളുമായി പങ്കെടുത്തത്. അതേസമയം സംഭവത്തിൽ കോൺഗ്രസ് നേതാക്കൾക്കെതിരെ രൂക്ഷവിമർശനമാണ് ഉയരുന്നത്.
Comments