കോഴിക്കോട് : കൂട്ടബലാത്സംഗക്കേസിൽ സർക്കിൾ ഇൻസ്‌പെക്ടർ അറസ്റ്റിൽ. കോഴിക്കോട് കോസ്റ്റൽ പോലീസ് ഇൻസ്‌പെക്ടർ സുനുവാണ് അറസ്റ്റിലായത്. തൃക്കാക്കരയിൽ രജിസ്റ്റർ ചെയ്ത കേസിലാണ് നടപടി. ഇന്ന് രാവിലെയാണ് തൃക്കാക്കര പോലീസ് സുനുവിനെ അറസ്റ്റ് ചെയ്തത്.
കോഴിക്കോട് കോസ്റ്റൽ പോലീസ് സ്‌റ്റേഷനിൽ വെച്ചാണ് അറസ്റ്റ് നടന്നത്. ഇന്നലെ രാത്രിയാണ് യുവതി സ്റ്റേഷനിലെത്തി മൊഴി നൽകിയത്. തൃക്കാക്കരയിലെ വീട്ടിൽ വെച്ചും കടവന്ത്രയിലും മറ്റും കൊണ്ടും പോയി ആറ് പേർ ചേർന്ന് പീഡിപ്പിച്ചുവെന്നാണ് യുവതിയുടെ മൊഴി.കഴിഞ്ഞ മേയ് മാസത്തിലാണ് കേസിനാസ്പദമായ സംഭവം. തൃക്കാക്കരയിൽ താമസിക്കുന്ന ഒരു വീട്ടമ്മ നൽകിയ പരാതിയിലാണ് നടപടി. സുനു ഉൾപ്പെടുന്ന ഒരു സംഘം തന്നെ പീഡിപ്പിച്ചുവെന്നാണ് വീട്ടമ്മയുടെ പരാതി. ഇതിന്റെ അടിസ്ഥാനത്തിൽ തൃക്കാക്കര പോലീസ് വിശദമായ അന്വേഷണം നടത്തി.
കോഴിക്കോട് പോലീസ് സ്റ്റേഷനിലെത്തി അപ്രതീക്ഷിതമായാണ് സുനുവിനെ അറസ്റ്റ് ചെയ്തത്. കേസിൽ ഒന്നിലേറെ പ്രതികൾ ഉൾപ്പെട്ടിട്ടുണ്ടെന്നാണ് വിവരം. സുനുവുമായി തൃക്കാക്കര പോലീസ് എറണാകുളത്തേക്ക് തിരിച്ചിട്ടുണ്ട്.
അതേസമയം ഈ പോലീസ് ഉദ്യോഗസ്ഥനെതിരെ നേരത്തെയും സമാന രീതിയിലുള്ള പരാതികൾ ഉയർന്നിട്ടുണ്ട്. തൃശൂരിൽ എൻജിനിയറിംഗ് ബിരുദധാരിയെ വിവാഹ വാഗ്ദാനം നൽകി പീഡിപ്പിച്ച കേസിൽ സുനു അറസ്റ്റിലായിട്ടുണ്ട്.
Comments