തിരുവനന്തപുരം: ഗവർണർ ആരിഫ് മുഹമ്മദ് ഖാനെ അവഹേളിച്ച് എസ്എഫ്ഐ. തിരുവനന്തപുരം സംസ്കൃത കോളേജിലെ എസ്എഫ്ഐ യൂണിറ്റാണ് ഗവർണറെ അധിക്ഷേപിച്ച് കവാടത്തിൽ ബാനർ സ്ഥാപിച്ചത്. സംഭവത്തിൽ ഗവർണർ കോളേജിനോട് വിശദീകരണം തേടി.
വി.സി നിയമനത്തിൽ സർക്കാരിനെതിരെ കടുത്ത നിലപാടാണ് ഗവർണർ സ്വീകരിച്ചുപോരുന്നത്. ഇതിൽ പ്രകോപിതരായാണ് എസ്എഫ്ഐ ബാനർ സ്ഥാപിച്ചത്. ‘ ഗവർണറിന്റെ തന്തേടെ വകയല്ല രാജ്ഭവൻ’ എന്നായിരുന്നു ബാനറിൽ എഴുതിയിരുന്നത്. സംഭവത്തിൽ കോളേജ് പ്രിൻസിപ്പാളിനോട് ആണ് ഗവർണർ വിശദീകരണം തേടിയത്.
അതേസമയം സംഭവത്തിൽ ശക്തമായ പ്രതിഷേധവുമായി വിദ്യാർത്ഥികൾ രംഗത്ത് എത്തി. ഗവർണറെ അധിക്ഷേപിച്ച എസ്എഫ്ഐയ്ക്ക് സംസ്കാരം തൊട്ടു തീണ്ടിയിട്ടില്ലെന്നാണ് ഉയരുന്ന വിമർശനം. സംഭവത്തിൽ എസ്എഫ്ഐയ്ക്കെതിരെ സോഷ്യൽ മീഡിയയിലും വലിയ വിമർശനവും പ്രതിഷേധവുമാണ് ഉയരുന്നത്.
