ബാലി : പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി ബ്രിട്ടീഷ് പ്രധാനമന്ത്രി ഋഷി സുനക്. ജി 20 ഉച്ചകോടിയിൽ പങ്കെടുക്കാൻ ബാലിയിൽ എത്തിയപ്പോഴാണ് ഇരു നേതാക്കളും തമ്മിൽ കൂടിക്കാഴ്ച നടത്തിയത്. ഇരു രാജ്യങ്ങളും തമ്മിലുള്ള വ്യാപാര, പ്രതിരോധ, മേഖലകളിലെ സഹകരണം ഉൾപ്പെടെ ചർച്ചയായി.
നരേന്ദ്ര മോദിയുമായി നടത്തിയ കൂടിക്കാഴ്ചയെ പ്രകീർത്തിച്ചുകൊണ്ട് സുനക് ട്വീറ്റ് പങ്കുവെച്ചു. ”ശക്തമായ സൗഹൃദയം” എന്നാണ് സുനക് ഹിന്ദിയിൽ ട്വീറ്റ് ചെയ്തത്.
ഇന്ത്യൻ വംശജനായ ഋഷി സുനക് ബ്രിട്ടീഷ് പ്രധാനമന്ത്രിയായി അധികാരമേറ്റതിന് പിന്നാലെ ആദ്യമായാണ് നരേന്ദ്ര മോദിയുമായി കൂടിക്കാഴ്ച നടത്തുന്നത്. ഋഷി സുനകിനെ നരേന്ദ്ര മോദി നേരിട്ട് അഭിനന്ദിച്ചു.
United by friendship
एक मज़बूत दोस्ती
🇬🇧🇮🇳 @NarendraModi pic.twitter.com/uJXRriCVwg
— Rishi Sunak (@RishiSunak) November 16, 2022
ഇന്ത്യ-യുകെ പങ്കാളിത്തത്തിലും റോഡ് മാപ്പ് 2030 ലെ പുരോഗതിയിലും ഇരു നേതാക്കളും സംതൃപ്തി പ്രകടിപ്പിച്ചു. ജി 20 കോമൺവെൽത്ത് വേദികളിൽ ഉൾപ്പെടെ ഒരുമിച്ച് പ്രവർത്തിക്കുന്നതിന്റെ പ്രാധാന്യത്തെയും ഇരു നേതാക്കളും പ്രശംസിച്ചു. വ്യാപാരം, പ്രതിരോധം, സുരക്ഷ എന്നീ മേഖലകളിലെ ഇരു രാജ്യങ്ങളുടെയും സഹകരണവും ചർച്ചയായി.
Comments