യുവനായിക ഐശ്വര്യ ലക്ഷ്മിയുടെ പുതിയ ചിത്രം ഗാട്ട കുസ്തിയുടെ ഒടിടി റിലീസ് പ്രഖ്യാപിച്ചു. വിഷ്ണു വിശാൽ നായകനായുന്ന സ്‌പോർട്‌സ് ഡ്രാമ നെറ്റ്ഫ്‌ളിക്‌സിലാണ് സ്ട്രീം ചെയ്യുക. ചെല്ല അയ്യാവു സംവിധാനം ചെയ്യുന്ന സിനിമ തെലുങ്കിലും തമിഴിലുമാണ് എത്തുന്നത്. ഡിസംബർ രണ്ടിനാണ് ചിത്രത്തിന്റെ തിയേറ്റർ റിലീസ്.
മട്ടി കുസ്തി എന്ന പേരിൽ തെലുങ്കിലും ഗാട്ട കുസ്തിയെന്ന പേരിൽ തമിഴിലും ചിത്രമെത്തും. ഗ്രാമീണ പശ്ചാത്തലത്തിൽ ഒരുക്കുന്ന ചിത്രം ലിസ്റ്റിൻ സ്റ്റീഫന്റെ മാജിക്ക് ഫ്രെയിംസ് ആണ് കേരളത്തിൽ പ്രദർശനത്തിനെത്തിക്കുന്നത്.
അടക്കവും ഒതുക്കവുമുള്ള പെൺകുട്ടിയെ വിവാഹം ചെയ്യാൻ അന്വേഷിച്ചിറങ്ങിയ നായകൻ ഒടുവിൽ കേരളത്തിൽ നിന്നൊരു യുവതിയെ വിവാഹം ചെയ്യുന്നതും തുടർന്നുള്ള സംഭവ വികാസങ്ങളുമാണ് ചിത്രത്തിൽ അവതരിപ്പിക്കുന്നത്. വീര എന്ന കഥാപാത്രത്തെ നായകൻ വിഷ്ണു വിശാൽ കൈകാര്യം ചെയ്യുമ്പോൾ കീർത്തിയെന്ന മിടുക്കിയാണ് ഐശ്വര്യ ലക്ഷ്മിയുടെ കഥാപാത്രം. ഡബ്ബിംഗ് ആർടിസ്റ്റ് ശ്രീജ രവിയും, നടൻ ഹരീഷ് പേരടിയും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്.
Comments