37,000 അടി ഉയരത്തിൽ വിമാനത്തിന്റെഎമർജൻസി വാതിൽ തുറക്കാൻ ശ്രമിച്ച് യുവതി . സൗത്ത് വെസ്റ്റ് എയർലൈൻസ് ഓഫ് അമേരിക്കയിലാണ് സംഭവം. ഹൂസ്റ്റണിൽ നിന്ന് ഒഹിയോയിലേക്ക് പോകുകയായിരുന്ന ഫ്ലൈറ്റിൽ 34 കാരിയായ അലോം അഗ്ബെഗ്നിനൗ എന്ന യാത്രക്കാരിയാണ് വിമാനത്തിന്റെ വാതിൽ തുറക്കാൻ ശ്രമിച്ചത് . തടയാൻ ശ്രമിച്ച സഹയാത്രികന്റെ തുടയിൽ കടിച്ചു.
വിമാനത്തിന്റെ പിന്നിൽ തൂങ്ങിക്കിടക്കാനാണ് അലോം ആദ്യം ശ്രമിച്ചത് . എന്നാൽ ഇത് തടഞ്ഞാണ് അലോമിനെ വിമാനത്തിലെ ജീവനക്കാർ വിമാനത്തിൽ കയറ്റിയത്. പറന്ന് തുടങ്ങി അല്പനേരം കഴിഞ്ഞപ്പോഴും അലോം അസ്വസ്ഥകൾ പ്രകടിപ്പിക്കാൻ തുടങ്ങി . സീറ്റിൽ ഇരിക്കാൻ ജീവനക്കാർ ആവശ്യപ്പെട്ടു. എന്നാൽ സീറ്റിൽ ഇരിക്കുന്നതിനു പകരം അലോം വിമാനത്തിന്റെ എമർജൻസി ഗേറ്റ് തുറക്കാൻ ശ്രമിച്ചു.
ഇതോടെ ഹിലാരി ക്ലിന്റൺ നാഷണൽ എയർപോർട്ടിൽ വിമാനം അടിയന്തരമായി ഇറക്കി. പിന്നാലെ യുവതിയെ അറസ്റ്റ് ചെയ്തു. തന്നോട് വാതിൽ തുറക്കാൻ യേശു പറഞ്ഞുവെന്നാണ് അലോം പറഞ്ഞത് . യുവതി ലഗേജില്ലാതെ ഒറ്റയ്ക്കാണ് യാത്ര ചെയ്തിരുന്നതെന്നും , താൻ വിമാനത്തിൽ പോകുന്നത് ഭർത്താവിനെ അറിയിച്ചിരുന്നില്ലെന്നും റിപ്പോർട്ടുണ്ട്.
