ചെന്നൈ : സിനിമയിൽ അഭിനയിക്കാൻ അവസരം വാഗ്ദാനം ചെയ്ത് യുവതികളെ പെൺവാണിഭത്തിന് ഉപയോഗിച്ച കേസിൽ മലയാളി അറസ്റ്റിൽ. തൃശശ്ശൂർ മൂരിയാട് സ്വദേശി കെ. കിരൺ (29) ആണ് അറസ്റ്റിലായത്. ചെന്നൈ അണ്ണാനഗറിലുള്ള അപ്പാർട്‌മെന്റിൽ നടത്തിയ റെയ്ഡിലാണ് ഇയാൾ പിടിയിലായത്.
സിനിമയിലും സീരിയലിലും അഭിനയിക്കാൻ അവസരം നൽകാമെന്ന് പറഞ്ഞാണ് അന്യസംസ്ഥാനങ്ങളിൽ നിന്നുള്ള യുവതികളെ ചെന്നൈയിലെത്തിച്ചത്. തുടർന്ന് ഇവരെ ഭീഷണിപ്പെടുത്തി പെൺവാണിഭത്തിന് ഉപയോഗിക്കുകയായിരുന്നു. റെയ്ഡിൽ രണ്ട് യുവതികളെ പോലീസ് രക്ഷപ്പെടുത്തി.
കോടതിയിൽ ഹാജരാക്കിയ കിരണിനെ ജുഡീഷ്യൽ കസ്റ്റഡിയിൽവിട്ടു. റെയ്ഡിനിടെ രക്ഷപ്പെട്ട കിരണിന്റെ കൂട്ടാളിക്കുവേണ്ടിയുള്ള തിരച്ചിൽ ആരംഭിച്ചു.
Comments