ഗാന്ധിനഗർ: പ്രധാനമന്ത്രി നരേന്ദ്ര മോദിയ്ക്കെതിരെയായി വ്യാജ വാർത്ത പ്രചരിപ്പിച്ച തൃണമൂൽ കോൺഗ്രസ് ദേശീയ വക്താവ് അറസ്റ്റിൽ. മോർബി പാലം തകർന്നത് സംബന്ധിച്ച് വ്യാജ വാർത്ത ട്വീറ്റ് ചെയ്ത സാകേത് ഗോഖലെയാണ് അറസ്റ്റിലായത്.
രാജസ്ഥാനിലെ ജയ്പൂരിൽ നിന്ന് അഹമ്മദാബാദ് സൈബർ ക്രൈം സെല്ലിലെ ഉദ്യോഗസ്ഥരാണ് ഗോഖലെയെ പിടികൂടിയത്. ഇന്ത്യൻ ശിക്ഷാ നിയമത്തിലെ 465,469,471 വകുപ്പുകൾ പ്രകാരമാണ് ഇയാൾക്കെതിരെ കേസെടുത്തത്. പ്രധാനമന്ത്രിയുടെ മോർബി സന്ദർശനത്തെക്കുറിച്ച് വ്യാജവാർത്ത പ്രചരിപ്പിച്ചതിനാണ് എഫ്ഐആർ
മോർബിയിൽ ഏതാനും മണിക്കൂറുകൾ നേരത്തേക്കുള്ള മോദിയുടെ സന്ദർശനത്തിന് 30 കോടി രൂപ ചിലവായതായി വിവരാവകാശ നിയമപ്രകാരം വെളിപ്പെടുത്തുന്നു എന്ന തരത്തിലുള്ള ട്വീറ്റാണ് ഗോഖലെ പങ്കുവെച്ചത്. തുടർന്ന് നടത്തിയ അന്വേഷണത്തിൽ വിവരാവകാശ നിയമപ്രകാരം ഇത്തരം വിവരങ്ങൾ നൽകിയിട്ടില്ലെന്നും വ്യാജമായിട്ടുള്ള വിവരമാണ് കൈമാറിയതെന്നും ഔദ്യോഗിക വൃത്തങ്ങൾ അറിയി്ച്ചു. തുടർന്ന് ഇയാളെ അറസ്റ്റ് ചെയ്യുകയായിരുന്നു.
Comments