എറണാകുളം: ഓടുന്നതിനിടെ എംഎൽഎയുടെ കാറിന്റെ ചക്രം ഊരിത്തെറിച്ചു. കോതമംഗലം എംഎൽഎ ആന്റണി ജോണിന്റെ കാറിന്റെ പിൻ ചക്രമാണ് ഊരിത്തെറിച്ചത്. അപകടത്തിൽ ആളപായമില്ല.
രാവിലെയോടെയായിരുന്നു സംഭവം. ഡ്രൈവർ മാത്രമാണ് സംഭവ സമയം കാറിൽ ഉണ്ടായിരുന്നത്. കോതമംഗലത്തെ സർവ്വീസ് സെന്ററിലേക്ക് പോകുന്നതിനിടെ മുത്തംകുഴിയ്ക്ക് സമീപംവെച്ച് വാഹനത്തിന്റെ ചക്രം ഊരിത്തെറിക്കുകയായിരുന്നു. നിയമസഭാ സമ്മേളനം കഴിഞ്ഞ് വെള്ളിയാഴ്ച വൈകീട്ട് എംഎൽഎ വീട്ടിൽ തിരിച്ച് എത്തിയിരുന്നു. ഇതേ തുടർന്നാണ് വാഹനം സർവ്വീസിന് നൽകാൻ തീരുമാനിച്ചത്. കഴിഞ്ഞ ആഴ്ചയും വാഹനം സർവ്വീസിന് കൊടുത്തിരുന്നു.
പിൻഭാഗത്തെ ഇടതുവശത്തെ ചക്രമാണ് ഊരിത്തെറിച്ചത്. ടയറില്ലാതെ വാഹനം 10 മീറ്ററോളം മുന്നോട്ട് പോയി. വേഗം കുറച്ചാണ് ഡ്രൈവർ കാർ ഓടിച്ചിരുന്നത്.
Comments