തുടർച്ചയായ ഇടിവിന് ശേഷം സ്വർണ വില ഉയർന്നു. രണ്ട് ദിവസമായി ഇടിഞ്ഞ സ്വർണ വിലയാണ് ഇന്ന് ഉയർന്നത്. ഗ്രാമിന് 25 രൂപയാണ് ഇന്നത്തെ വർദ്ധനവ്.
ഇതോടെ ഒരു ഗ്രാം 22 കാരറ്റ് സ്വർണത്തിന്റെ വില 4,995 രൂപയായി. ഒരു പവൻ സ്വർണത്തിന്റെ വില 39,960 ആണ്.
കഴിഞ്ഞ ദിവസം 20 രൂപയും, അതിന് മുമ്പ് 40 രൂപയുമാണ് സ്വർണ വിലയിൽ ഇടിവ് സംഭവിച്ചത്. പവന് 320 രൂപ കഴിഞ്ഞ ദിവസം കുറഞ്ഞിരുന്നു. മൂന്ന് ദിവസം മുമ്പ് പവന് 40,000 രൂപ എന്ന റെക്കോർഡ് വിലയും സ്വർണം രേഖപ്പെടുത്തിയിരുന്നു.
