പഞ്ചസാരയുണ്ടെങ്കിലും ഏവർക്കും ഏറെ പ്രിയപ്പെട്ടതാണ് ശർക്കര. ശർക്കര ചേർത്തുണ്ടാക്കുന്ന പലഹാരങ്ങളും ചായയുമൊക്കെ എല്ലാവർക്കും പ്രിയപ്പെട്ടതാണ്. മധുരത്തിനപ്പുറം നിരവധി ഗുണങ്ങൾ നൽകുന്ന ഒന്നാണ് ശർക്കര. ശരീരത്തിൽ ഇരുമ്പിന്റെ അംശം മെച്ചപ്പെടുത്താൻ സഹായിക്കുന്നതാണ് ശർക്കര. രക്തത്തിലെ ഹീമോഗ്ലോബിന്റെ അളവിനെ ക്രമീകരിക്കാനും ഇതിന് കഴിയും.വിളർച്ചയെ ചെറുക്കാൻ ശർക്കര പൊടിച്ചോ ചെറിയ കഷ്ണമോ കഴിച്ചാൽ മതിയാകും.
ദഹന പ്രകിയയെ സഹായിക്കുന്ന ഒന്നാണ് ശർക്കര. ഇതിനായി ചെറുചൂടുവെള്ളത്തിൽ ശർക്കര കലർത്തി കഴിക്കുകയാണ് വേണ്ടത്. ആയുർവേദ പ്രകാരം ദഹനത്തിന് പുറമേ ശരീരഭാരം കുറയ്ക്കാനും ശർക്കരയ്ക്കാകും. പ്രമേഹ രോഗികൾക്കും ശർക്കര കഴിക്കാവുന്നതാണ്. തണുപ്പുകാലത്ത് അതിരാവിലെ ചൂടുവെള്ളത്തിൽ ശർക്കര കഴിക്കുന്നത് തൽക്ഷണ ഊർജ്ജം വർദ്ധിപ്പിക്കുമെന്ന് ന്യൂട്രീഷനിസ്റ്റും ഡിടിഎഫിന്റെ സ്ഥാപകയുമായ സോണിയ ബക്ഷി പറയുന്നു. ആരോഗ്യ പരിപാലനത്തിൽ മികച്ച ഫലങ്ങൾ നൽകാൻ ഇതിനാകും.ഇങ്ങനെയുണ്ടാക്കുന്ന ശർക്കര വെള്ളം കുടിക്കുന്നത് വഴി ആരോഗ്യപരമായ നിരവധി ഗുണങ്ങളാണ് നൽകുന്നത്.
അസ്ഥികളുടെ ആരോഗ്യം : ശർക്കര വെള്ളം കുടിക്കുന്നത് എല്ലുകളെ ബലപ്പെടുത്തി സന്ധി വേദന ഒഴിവാക്കുന്നു. സന്ധിവാതം പോലുള്ള അസ്ഥി രോഗങ്ങളെ ശമിപ്പിക്കാനും ഇതിനാകും.പൊട്ടാസ്യവും സോഡിയവും ധാരാളമായി അടങ്ങിയിരിക്കുന്നതിനാൽ ചെറുചൂടുള്ള വെള്ളത്തിൽ ശർക്കര ശരീരത്തിലെ രക്തസമ്മർദ്ദം സന്തുലിതമാക്കാൻ സഹായിക്കുന്നു.
ഇരുമ്പിന്റെ കുറവ് മെച്ചപ്പെടുത്തുന്നു :ഹീമോഗ്ലോബിൻ കുറവാണെങ്കിൽ ചെറുചൂടുള്ള ശർക്കര വെള്ളം അത്ഭുതങ്ങൾ സൃഷ്ടിക്കും. ഇരുമ്പ്, ഫോളേറ്റ് എന്നിവയാൽ സമ്പുഷ്ടമായതിനാൽ ശരീരത്തിൽ ചുവന്ന രക്താണുക്കളുടെ അളവ് നിയന്ത്രിക്കുന്നു. വിളർച്ചയുള്ളവർക്ക് ചെറുചൂടുള്ള വെള്ളത്തിൽ ശർക്കര കഴിക്കാം.
ശരീരത്തിലെ വിഷാംശം ഇല്ലാതാക്കുന്നു: ശർക്കരയ്ക്ക് ശരീരത്തെ ശുദ്ധീകരിക്കാൻ സഹായിക്കുന്ന ഗുണങ്ങളുണ്ട്. ശരീരത്തെ വിഷാംശം ഇല്ലാതാക്കാനും രക്തം ശുദ്ധീകരിക്കാനും കരളിനെ ശുദ്ധീകരിക്കാനും ഇതിനാകും. പതിവായി പരിമിതമായ അളവിൽ ചെറുചൂടുള്ള വെള്ളത്തിൽ ശർക്കര ചേർത്ത് കുടിക്കുകയാണെങ്കിൽ ചർമ്മത്തിന് ആവശ്യമായ തിളക്കം ലഭിക്കും. കൂടാതെ ശരീരം ഫലപ്രദമായി ആരോഗ്യത്തോടെ നിലനിൽക്കകയും ദോഷകരമായ വിഷവസ്തുക്കൾ ശരീരത്തിൽ നിന്ന് പുറന്തള്ളപ്പെടുകയും ചെയ്യും.
ഭാരം കുറയ്ക്കാൻ സഹായിക്കുന്നു: ശരീരഭാരം കുറക്കാൻ നിരവധി മാർഗങ്ങൾ തിരഞ്ഞ് പരീക്ഷിച്ച് മടുത്തെങ്കിൽ ശർക്കരയെ കൂട്ടുപിടിച്ചാൽ മതി. ഒന്നിടവിട്ട ദിവസങ്ങളിൽ ആഴ്ചയിൽ രണ്ടോ മൂന്നോ തവണ ചെറുചൂടുള്ള വെള്ളം ശർക്കര ചേർത്ത് കഴിച്ചാൽ ശരീരഭാഗം കുറയ്ക്കാവുന്നതാണ്. പരിമിതമായ അളവിൽ മാത്രമേ ശർക്കര കഴിക്കാവൂ.
രോഗപ്രതിരോധ ശേഷി വർദ്ധിപ്പിക്കുന്നു: ശർക്കരയിൽ ആന്റിഓക്സിഡന്റുകൾ, വിറ്റാമിനുകൾ, ധാതുക്കൾ എന്നിവ അടങ്ങിയിട്ടുണ്ട്. സമ്പന്നമായ പോഷകഗുണമുള്ളതിനാൽ തന്നെ പ്രതിരോധശേഷി വർദ്ധിപ്പിച്ച് അണുബാധകളെ ചെറുക്കാൻ കഴിയും. ശർക്കരയിൽ അടങ്ങിയിരിക്കുന്ന സെലിനിയവും സിങ്കും ഫ്രീ റാഡിക്കൽ നാശത്തിൽ നിന്നും ഓക്സിഡേറ്റീവ് സമ്മർദ്ദത്തിൽ നിന്നും സംരക്ഷിക്കാൻ സഹായിക്കും.
