2022 അവസാനിച്ച് 2023 ന്റെ പിറവിക്കായി ഇനി ദിവസങ്ങൾ മാത്രമാണ് ബാക്കിയുള്ളത്. വരും വർഷം എങ്ങനെയാവുമെന്നതിനെ കുറിച്ച് പല പ്രവചനങ്ങളും ഇതിനോടകം തന്നെ വന്നു കഴിഞ്ഞു. അക്കൂട്ടത്തിൽ ഏറെ വൈറലാവുകയാണ് ബ്രസീലിയൻ ജ്യോതിഷിയായ അഥോസ് സലോമിയുടെ പ്രവചനങ്ങൾ. അത്ര ശുഭകരമല്ലാത്ത പ്രവചനമല്ല അഥോസിന് പറയാനുള്ളത് എന്നതാണ് ഇതിത്ര വൈറലാവാൻ കാരണം. ലോകകപ്പ് ഫുട്ബോളിൽ അർജന്റീനയും ഫ്രാൻസും തമ്മിലായിരിക്കും കലാശപോരാട്ടമെന്ന അഥോസിന്റെ പ്രവചനം സത്യമായതിനാൽ തന്നെ 2023 നെ കുറിച്ചുള്ള അഥോസിന്റെ പ്രവചനങ്ങളെ ആളുകൾ അൽപ്പം ഭയത്തോടെയാണ് വിലയിരുത്തുന്നത്.
മനുഷ്യർ ഭയപ്പെടുന്ന കാര്യങ്ങൾ അടുത്ത വർഷം സംഭവിക്കുമെന്നാണ് സലോമി പറയുന്നത്. അടുത്ത വർഷം പ്രതീക്ഷയും, ദുരന്തവും, അതുപോലെ മനുഷ്യന്റെ ചിന്തയ്ക്കും അപ്പുറമുള്ള കാര്യങ്ങളുമെല്ലാം സംഭവിക്കുമെന്ന് സലോമി പറയുന്നു. കൊറോണയെ പോലെ പുതിയൊരു മഹാമാരിയാണ് 2023ൽ സംഭവിക്കാൻ പോകുന്നതെന്ന് സലോമി പറയുന്നു. അതിഭീകരനായ ഒരു വൈറസ് മനുഷ്യനെ കാത്തിരിക്കുന്നുണ്ട്. ലോകത്തെ ഇത് നശിപ്പിക്കും. അന്റാർട്ടിക്കയിലെ കൊടും തണുപ്പുള്ള മഞ്ഞുപാളികൾക്ക് അടിയിലാണ് ഈ വൈറസ് ഇപ്പോഴുള്ളതെന്ന് അഥോസ് സലോമി പറയുന്നു. ഇത് മനുഷ്യനെ ഒന്നടങ്കം വിറപ്പിക്കുന്ന മഹാമാരിയായി മാറുമെന്നാണ് പ്രവചനം.
അടുത്തിടെ നടന്ന പഠനങ്ങളിലൂടെ മഞ്ഞിനടിയിൽ കൊടുംഭീകരനായ വൈറസുകളുടെ സാന്നിധ്യം കണ്ടെത്തിയിരുന്നു.സൈബീരിയയിൽ നിന്ന് 48,000വർഷം പഴക്കമുള്ള സോംബി വൈറസിനെയും ഇക്കൂട്ടത്തിൽ ശാസ്ത്രജ്ഞർ കണ്ടെത്തിയിരുന്നു. എന്നാൽ 2023ലെ പുതിയ വൈറസ് അന്റാർട്ടിക്കയിൽ നിന്ന് തന്നെയായിരിക്കുമെന്നും സലോമി പറയുന്നു. ദക്ഷിണ ധ്രുവത്തിൽ നിന്ന് ആഗോള തലത്തിലേക്ക് ഇത് പടരുമെന്നും സലോമി പ്രവചിക്കുന്നു.
ലോകത്തെ ആകെ ഈ വൈറസ് ബാധിക്കും. എന്നാൽ ഈ വൈറസിനെതിരെയുള്ള മനുഷ്യന്റെ പോരാട്ടം അധികഠിനമായിരിക്കും.ആരും പ്രതീക്ഷിക്കുകയോ ഊഹിക്കുകയോ ചെയ്യാൻ പറ്റാത്ത അത്ര കാലം ഇത് നീണ്ടു നിൽക്കുമെന്നും സലോമി പറയുന്നു. ഈ വൈറസിനെ ആരും കൃത്യമായി പ്രതിരോധിച്ചില്ലെങ്കിൽ മനുഷ്യന് മാനസികമായും, ശാരീരികമായും ഉണ്ടാവാൻ പോകുന്ന പ്രശ്നങ്ങൾ ഭീകരമായിരിക്കും. ഒരുപാട് മരണങ്ങൾ സംഭവിക്കുമെന്നും സലോമി മുന്നറിയിപ്പ് നൽകുന്നു.
ചരിത്രത്തിലെ ഏറ്റവും ഭീകരനായ വൈറസ് എന്നാവും ഇത് അറിയപ്പെടുകയെന്നും സലോമി പ്രവചിക്കുന്നു. അതേസമയം കൊറോണയ്ക്ക് ഒരു മരുന്നും 2023ൽ കണ്ടെത്തുമെന്ന് സലോമി പറയുന്നു. ഇത് കൊവിഡിനെ പൂർണമായും ഇല്ലാതാക്കുന്നതായിരിക്കും. കടലിൽ കാണപ്പെടുന്ന സസ്യമായ ആൽഗകളിൽ നിന്നായിരിക്കും ഈ മരുന്നിന് വേണ്ട കാര്യങ്ങൾ ലഭിക്കുക. ഈ ചെടിയിൽ ധാരാളം പോഷകങ്ങൾ അടങ്ങിയിട്ടുണ്ട്. നൈട്രജനും, പൊട്ടാസ്യവും അതിലുണ്ട്. ഇത് ശരീര പ്രതിരോധത്തെ മെച്ചപ്പെടുത്തും. ഹൃദയസംബന്ധമായ അസുഖങ്ങളെ തടയുമെന്നും സലോമി പ്രവചിക്കുന്നു.
2023ൽ മനുഷ്യൻ അന്യഗ്രഹ ജീവികളുമായി ബന്ധപ്പെടുമെന്ന സൂചനയും സലോമി നൽകുന്നുണ്ട്. യുഎസ്സിന്റെ അതീവ രഹസ്യ മിലിട്ടറി ബേസായ എരിയ 51ൽ നിന്ന് വലിയ രഹസ്യങ്ങൾ കണ്ടെത്തുമെന്നാണ് സലോമിയുടെ പ്രവചനം.
