ട്രക്കും കാറും കൂട്ടിയിടിച്ച് വൻ അപകടം; അഞ്ച് പേർ മരിച്ചു; സംഭവ സ്ഥലത്തു നിന്നും ട്രക്ക് ഡ്രൈവർ ഓടി രക്ഷപ്പെട്ടു

ജയ്പൂർ: രാജസ്ഥാനിൽ ട്രക്കും കാറും തമ്മിൽ കൂട്ടിയിടിച്ച് വൻ അപകടം. രാജസ്ഥാനിലെ ഹനുമാൻ​ഗഡ് ഹൈവയിലാണ് സംഭവം. ശനിയാഴ്ച രാത്രിയിലുണ്ടായ അപകടത്തിൽ അഞ്ച് പേർ മരിക്കുകയും ഒരാൾക്ക് ​ഗുരുതരമായി പരിക്കേൽക്കുകയും ചെയ്തു. അപകടം ഉണ്ടായതിനെ തുടർന്ന് ട്രക്ക് ഡ്രൈവർ സംഭവ സ്ഥലത്ത് നിന്നും ഓടി രക്ഷപ്പെട്ടു.

ഹനുമാൻ​ഗഡ് ജില്ലയിലെ ഹനുമാൻഗഡ് ജില്ലയിലെ ബിസ്രാസർ ഗ്രാമത്തിന് സമീപമാണ് അപകടം നടന്നത്. ട്രക്ക് അമിത വേ​ഗതയിലായിരുന്നു എന്നാണ് നി​ഗമനം. അപകടത്തിൽ പരിക്കേറ്റ വ്യക്തിയെ ബിക്കാനീറിലെ പല്ലു ആശുപത്രിയിൽ പ്രവേശിപ്പിച്ചു. ഇയാളുടെ നില അതീവ ​ഗുരുതരമായി തു‌ടരുകയാണ്.

അപകടം നടന്ന സ്ഥലത്തും നിന്നും ഓടി രക്ഷപ്പെട്ട ട്രക്ക് ഡ്രൈവറെ തിരിച്ചറിഞ്ഞിട്ടില്ല. ഇയാൾക്കായുള്ള അന്വേഷണം ഊർജ്ജിതമാണ്. അപകടത്തിൽപ്പെട്ട കാർ യാത്രികർ ആരാണെന്നും അപകടം എങ്ങനെയാണ് സംഭവിച്ചതെന്നും വ്യക്തമല്ല. ഇത് സംബന്ധിച്ച് പള്ളു പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.