ലോകം പുതുവത്സര തിമിർപ്പിലാണ്. ആഘോഷങ്ങൾ ഗംഭീരമാക്കാൻ നിരവധി അനവധി പരിപാടികൾക്കാണ് നടത്തുന്നത്. ഇവയിൽ ഒഴിച്ചുകൂടാനാകാത്ത ഒന്നാണ് ഭക്ഷണം. വിശേഷ ദിവസങ്ങളിൽ പടിവാതിൽക്കൽ ആഹാരവുമായെത്തുന്ന ഓൺലൈൻ ഫുഡ് ഡെലിവറി ആപ്പുകളാണല്ലോ താരം. ഇത്തരത്തിൽ പുതുവർഷ രാവിൽ ഏകദേശം 3.50 ലക്ഷം ബിരിയാണി പ്രമുഖ ഫുഡ് ഡെലിവറി ആപ്പായ സ്വഗ്ഗി വിറ്റഴിച്ചത്.
ശനിയാഴ്ച രാത്രി 10.25 വരെയുള്ള കണക്കുകളാണ് സ്വിഗ്ഗി പുറത്തുവിട്ടത്. രാജ്യത്തുടനീളം 61,000 പിസകളും വിതരണം ചെയ്തതായി കമ്പനി അറിയിച്ചു. 3.50 ലക്ഷം ബിരിയാണി ഓർഡറുകളിൽ ഹൈദരാബാദി ബിരിയാണിയ്‌ക്കാണ് കൂടുതൽ പ്രിയം. 75.4 ശതമാനം ആളുകളാണ് ഓർഡർ ചെയ്തത്. 14.2 ശതമാനം ആളുകൾ ലക്‌നൗ സ്‌പെഷ്യൽ ബിരിയാണിയും 10.4 ശതമാനം ആളുകൾ കൊൽക്കത്ത ബിരിയാണിയുമാണ് ഓർഡർ ചെയ്തത്.
ഹൈദരാബാദിൽ ഏറ്റവും കൂടുതൽ ബിരിയാണി വിൽക്കുന്ന റെസ്റ്റോറന്റുകളിൽ ഒന്നായ ബവാർച്ചി ശനിയാഴ്ച 15 ടൺ ബിരിയാണിയാണ് ഉണ്ടാക്കിയത്. 2021-ലെ പുതുവത്സര രാവിൽ മിനിറ്റിൽ രണ്ട് ബിരിയാണികൾ വിതരണം ചെയ്ത് ചരിത്രം സൃഷ്ടിച്ചിരുന്നു. 1.76 ലക്ഷം ചിപ്‌സ് പാക്കറ്റുകളും സ്വിഗ്ഗി വഴി കഴിഞ്ഞ ദിവസം ഓർഡർ ചെയ്തന്നെും കമ്പനി വ്യക്തമാക്കി.
