ശ്രീനഗർ : ജമ്മു കശ്മീരിൽ ഭീകരാക്രമണ പ്രവർത്തനങ്ങളിലേക്ക് നീങ്ങിയ അഞ്ച് യുവാക്കളെ രക്ഷപ്പെടുത്തി കൗൺസിലിംഗിനയച്ച് സുരക്ഷ സേന. ബാരാമുളയിലെ പോലീസ് ഉദ്യോഗസ്ഥരും സൈന്യവും ചേർന്നാണ് യുവാക്കളെ രക്ഷപ്പെടുത്തിയത്. രണ്ട് പ്രായപൂർത്തിയാകത്തവരടക്കം 5 പേരെയാണ് ഭീകരവാദ സംഘടനകളിൽ ചേരുന്നതിൽ നിന്നും രക്ഷപ്പെടുത്തിയത്.
യുവാക്കളെ ഭീകരവാദ സംഘടനകളിൽ ആകൃഷ്ടരാക്കാൻ പാകിസ്താനിൽ നിന്നുളള ഭീകരവാദ സംഘം സമീപിച്ചിരുന്നതായി രഹസ്യ വിവരം ലഭിച്ചിരുന്നു. ഇതിന് പിന്നാലെ സുരക്ഷ സേന ഇവരെ കണ്ടെത്തി മാതാപിതാക്കളുടെ അനുവാദത്തോടെ ചോദ്യം ചെയ്യുകയുമായിരുന്നു.
ഭീകരവാദ സംഘടനകളിലേക്ക് റിക്രൂട്ട് ചെയ്യുന്നതിനായി സാമൂഹ്യമാദ്ധ്യമം വഴി ബന്ധപ്പെട്ടിരുന്നുവെന്ന് ഇവർ മൊഴി നൽകി. യുവാക്കളെ ഭീകരവാദ പ്രവർത്തികളിലേക്ക് നയിക്കുവാൻ പാക് സംഘടന പദ്ധതിയിട്ടിരുന്നു. കൃത്യമായ കൗൺസിലിംഗിന് വിധേയരാക്കി ഇവരെ മാതാപിതാക്കൾക്കൊപ്പം പറഞ്ഞയച്ചു.
Comments