ഭാരതത്തിന്റെ സംസ്‌കാരവും പാരമ്പര്യവും പകർത്തിയ ഇടം; ഫിജിയിലെ ശ്രീ ശിവ സുബ്രഹ്‌മണ്യ സ്വാമി ക്ഷേത്രത്തിൽ ദർശനം നടത്തി എസ് ജയശങ്കർ

സുവ: ഫിജിയിലെ നാഡിയിലുള്ള ശ്രീ ശിവ സുബ്രഹ്‌മണ്യ സ്വാമി ക്ഷേത്രത്തിൽ ദർശനം നടത്തി കേന്ദ്ര വിദേശകാര്യ മന്ത്രി എസ് ജയശങ്കർ. ഫിജിയിൽ തഴച്ചുവളരുന്ന ഭാരതത്തിന്റെ ഊർജ്ജസ്വലമായ സംസ്‌കാരവും പാരമ്പര്യവും നേരിട്ട് കാണാൻ കഴിഞ്ഞുവെന്ന് ജയശങ്കർ പറഞ്ഞു. ട്വിറ്ററിലൂടെയാണ് അദ്ദേഹം പ്രതികരിച്ചത്. പസഫിക്കിലെ ഏറ്റവും വലിയ ഹിന്ദു ക്ഷേത്രമാണ് ഫിജിയിലെ ശ്രീ ശിവ സുബ്രഹ്‌മണ്യ സ്വാമി ക്ഷേത്രം.

‘നാഡിയിലെ ശ്രീ ശിവ സുബ്രഹ്‌മണ്യ സ്വാമി ക്ഷേത്രത്തിലെത്തുകയും ദർശനം നടത്തുകയും ചെയ്തു. എന്റെ പാർലമെന്ററി സഹപ്രവർത്തകർക്കൊപ്പം ഫിജിയിൽ തഴച്ചുവളരുന്ന നമ്മുടെ സംസ്‌കാരവും പാരമ്പര്യവും നേരിട്ട് കാണാൻ കഴിഞ്ഞു’- ജയശങ്കർ ട്വീറ്റ് ചെയ്തു.

Visited the Sri Siva Subrahmanya Swami temple in Nadi and had a darshan.

Along with my Parliamentary colleagues, could see first hand our vibrant culture and traditions flourishing in Fiji. pic.twitter.com/tTzGhmkVeQ

— Dr. S. Jaishankar (@DrSJaishankar) February 15, 2023

12-ാമത് ലോക ഹിന്ദി സമ്മേളനത്തിൽ പങ്കെടുക്കാനാണ് ജയശങ്കർ കഴിഞ്ഞ ദിവസം ഫിജിയിലെത്തിയത്. ഫിജി വിദ്യാഭ്യാസ മന്ത്രി അസെരി റഡ്രോഡ്രോ അദ്ദേഹത്തെ സ്വാഗതം ചെയ്തു. ക്ഷേത്രദർശനത്തിന് ശേഷം ഫിജി ഉപപ്രധാനമന്ത്രി ബിമൻ പ്രസാദുമായി എസ് ജയശങ്കർ കൂടിക്കാഴ്ച നടത്തി. ഇന്ത്യ-ഫിജി ബന്ധം വികസന സഹകരണത്തിലൂടെ കൂടുതൽ മുന്നോട്ട് കൊണ്ടുപോകുന്നതിനെക്കുറിച്ച് ഇരുവരും തമ്മിൽ ചർച്ച ചെയ്തു.