തിരുവനന്തപുരം : തന്റെ ഫേസ്‌ബുക്ക് പോസ്റ്റിൽ കള്ളം പറഞ്ഞു ആളാകാൻ നോക്കിയ കെ ടി ജലീലിനെ തേച്ചൊട്ടിച്ചിരിക്കുകയാണ് ബിജെപി നേതാവ് പ്രകാശ് ബാബു.
നരേന്ദ്ര മോദി സർക്കാർ അധികാരമേറ്റ ശേഷം രാജ്യത്തെ ഉപരിതല ഗതാഗത സംവിധാങ്ങൾക്ക് സംഭവിച്ചുകൊണ്ടിരിക്കുന്ന വിപ്ലവ കരമായ മാറ്റങ്ങൾ എണ്ണിയെണ്ണിപറഞ്ഞുകൊണ്ടുള്ള പ്രകാശ് ബാബുവിന്റെ ഫേസ്‌ബുക്ക് പോസ്റ്റ് വൈറലായിരുന്നു . എന്നാൽ പച്ചക്കള്ളം പറഞ്ഞു കൊണ്ട് അതിൽ കമന്റുമായി എത്തിയതാണ് ജലീൽ . കേരളത്തിലെ ദേശീയപാതാ വികസനം, നടന്നത് പിണറായി മുഖ്യമന്ത്രി ആയിരുന്നത് കൊണ്ടാണെന്നും 25 % തുക കേരള സർക്കാരാണ് നല്കിയതെന്നുമുള്ള പച്ചക്കള്ളമാണ് കെ ടി ജലീൽ ആവർത്തിച്ചത് .ഇതേ കള്ളം മുൻപ് പിണറായി വിജയനടക്കം പല സിപിഎം നേതാക്കളും പറഞ്ഞിട്ടുണ്ട് .
എന്നാൽ നിതിൻ ഗഡ്കരി ഈ വാദത്തെ പാർലിമെന്റിൽ പൊളിച്ചടുക്കിയതാണ്. 25 % ചിലവ് എടുത്തുകൊള്ളാം എന്ന് പിണറായി സർക്കാർ വാഗ്ദാനം ചെയ്‌തെങ്കിലും പിന്നെ ആ വിഷയത്തിൽ മൗനം പാലിച്ചു എന്നാണ് ഗഡ്കരി പറഞ്ഞത് .കേരളത്തിൽ ദേശീയപാത വികസനത്തിന് ആവശ്യമായ മുഴുവൻ തുകയും കേന്ദ്ര സർക്കാർ തന്നെയാണ് ചിലവാക്കിയത് എന്നും നിതിൻ ഗഡ്കരി പാർലിമെന്റിൽ പറഞ്ഞു .ദേശീയപാതാ വികസനത്തിൽ തങ്ങൾക്കും പങ്കുണ്ടെന്നായിരുന്നു അന്നേ വരെ നിരന്തരമായി സിപിഎം അവകാശപ്പെട്ടുകൊണ്ടിരുന്നത്. ഗഡ്കരിയുടെ വിശദീകരണത്തോടെ ഈ കള്ളം പൊളിഞ്ഞു.ഏതാണ്ട് എല്ലാ മാധ്യമങ്ങളും അതീവ പ്രാധാന്യത്തോടെ ഗഡ്കരിയുടെ പ്രസംഗം റിപ്പോർട് ചെയ്തിരുന്നു.
സത്യം ഇതായിരിക്കെ നുണ പ്രചാരണവുമായി രംഗത്തെത്തിയ ജലീലിനെ ട്രോളിക്കൊല്ലുകയാണ് സോഷ്യൽ മീഡിയ .
“ഇനി നിങ്ങൾ 25% തന്നില്ലെങ്കിലും കാസർഗോഡ് മുതൽ തിരുവനന്തപുരം വരെ ആറുവരിപാത വന്നിരിക്കും…സൗകര്യം കിട്ടുമ്പോൾ ആറുവരിപാതയിൽ നിന്ന് സെൽഫി എടുക്കാൻ മറക്കല്ലേ.” എന്നൊരു ഉപദേശവും കൊടുക്കാൻ അഡ്വ പ്രകാശ് ബാബു മറക്കുന്നില്ല .
അഡ്വ പ്രകാശ് ബാബുവിന്റെ പോസ്റ്റ് വായിക്കാം
