കോഴിക്കോട്: മുഖ്യമന്ത്രി പങ്കെടുക്കുന്ന പരിപാടികളിൽ വീണ്ടും കറുപ്പിന് വിലക്ക്. കോഴിക്കോട് മീഞ്ചന്ത കോളേജ് അധികൃതരാണ് മുഖ്യമന്ത്രി ഉദ്ഘാടനം നിർവഹിക്കുന്ന പരിപാടിയിൽ കറുപ്പ് വിലക്കിക്കൊണ്ട് നിർദ്ദേശം പുറത്തിറക്കിയിരിക്കുന്നത്. കറുപ്പ് മാസ്കും കറുപ്പ് വസ്ത്രവും ധരിച്ചെത്തുന്ന വിദ്യാർത്ഥികളെ പരിപാടിയിൽ പ്രവേശിപ്പിക്കില്ലെന്നാണ് കോളേജ് നൽകിയിരിക്കുന്ന അറിയിപ്പ്.
കഴിഞ്ഞ വർഷം മുഖ്യമന്ത്രി പങ്കെടുത്ത കൊച്ചി മെട്രോയുടെ പരിപാടിയിൽ പോലീസ് കറുപ്പ് വിലക്കിയത് പ്രതിഷേധത്തിന് ഇടയാക്കിയിരുന്നു. സമീപത്ത് കൂടി സഞ്ചരിച്ചിരുന്ന ട്രാൻസ് വുമൺ വ്യക്തികളെ കറുത്ത വസ്ത്രം ധരിച്ചതിന്റെ പേരിൽ അന്ന് അറസ്റ്റ് ചെയ്തത് വിവാദമായിരുന്നു.
Comments