തലയോലപ്പറമ്പ് : ബസ്സിൽ നിന്നും ലഭിച്ച സ്വർണ്ണമാല ഉടമയ്ക്ക് തിരികെ നൽകി സ്വകാര്യബസ് ജീവനക്കാർ. നീർപ്പാറ സ്വദേശി സിന്റോ സുനിയുടെ ഒരു പവൻ വരുന്ന സ്വർണ്ണ മാലയാണ് ജീവനക്കാർ തിരികെ നൽകിയത്. ആവേ മരിയ ബസ്സിലെ ഡ്രൈവർ സലാം, കണ്ടക്ടർ അക്ബർ എന്നിവരാണ് മറ്റുള്ളവർക്ക് മതൃകയായത്.
കോട്ടയം തലയോലപ്പറമ്പ്-എറണാകുളം റൂട്ടിലോടുന്ന ആവോ മരിയ ബസ്സിലെ ജീവനക്കാരാണിവർ. കഴിഞ്ഞ ഫെബ്രുവരി 26-ന് കല്ലറിയിൽ ജോലിക്ക് പോയി തിരികെ വരുന്ന വഴിയാണ് സിന്റോയ്‌ക്ക് മാല നഷ്ടമാവുന്നത്. തുടർന്ന് ബസ് ജീവനക്കാരുമായി ബന്ധപ്പെടുകയായിരുന്നു. ബസ്സിൽ നടത്തിയ ആദ്യ തിരച്ചിലിൽ മാല കണ്ടെത്താനായില്ല. എന്നാൽ വൈകിട്ട് ബസ് വൃത്തിയാക്കുന്നതിനിടയിൽ ജീവനക്കാരുടെ കയ്യിൽ മാല ലഭിച്ചു. തൊട്ടടുത്ത ദിവസം തന്നെ ഇവർ മാല സിന്റോയെ ഏൽപ്പിക്കുകയായിരുന്നു.
Comments