ബ്രഹ്മപുരം മാലിന്യ പ്ലാന്റിലുണ്ടായ തീപിടിത്തത്തെ തുടർന്ന് കഴിഞ്ഞ പത്ത് ദിവസമായി വിഷവാതകങ്ങൾ ശ്വസിക്കുകയാണ് കൊച്ചിയിലെ ജനങ്ങൾ. തീയണയ്ക്കാൻ ശ്രമിക്കുന്ന അഗ്നിരക്ഷാ സേനയുടെയും മറ്റ് ദൗത്യ സംഘങ്ങളുടെയും അവസ്ഥയും പരിതാപകരം തന്നെ. മനുഷ്യനിർമ്മിത ദുരന്തമെന്ന് വിശേഷിപ്പിക്കുന്ന ബ്രഹ്മപുരം തീപിടിത്തം സംഭവിച്ച് ഒരാഴ്ച പിന്നിട്ടപ്പോഴും സാമൂഹ്യ വിഷയങ്ങളിൽ ശക്തമായി പ്രതികരിച്ചിരുന്ന പലർക്കും മിണ്ടാട്ടം സംഭവിച്ചതിനും കേരളം സാക്ഷിയാണ്. സംസ്ഥാനം ഭരിക്കുന്നവരുടെ നിസംഗത മൂലം സംഭവിച്ച ദുരന്തത്തെക്കുറിച്ച് വൈകിയ വേളയിൽ എങ്കിലും നിശബ്ദത വെടിഞ്ഞ് പ്രതികരണുമായി എത്തുകയാണ് സിനിമാ താരങ്ങൾ..
കഴിഞ്ഞ പത്ത് ദിവസമായി ഒറ്റ രാത്രി പോലും ഒരുപോള കണ്ണടക്കാൻ പറ്റാത്ത സ്ഥിതിയാണെന്ന് നടിയും ടെലിവിഷൻ താരവുമായ കൃഷ്ണപ്രഭ പ്രതികരിച്ചു. തന്റെ മാത്രമല്ല, കൊച്ചിയിൽ താമസിക്കുന്ന ഓരോ മനുഷ്യന്റെയും അവസ്ഥ ഇതായിണ്.. ആരോട് പറയാൻ ആര് കേൾക്കാൻ എന്നും അവർ ചോദിച്ചു. ഫേസ്ബുക്ക് പോസ്റ്റിലൂടെയായിരുന്നു നടിയുടെ പ്രതികരണം.
കുറിപ്പിലേക്ക്..
“കഴിഞ്ഞ പത്ത് ദിവസമായി ഒറ്റ രാത്രി പോലും ഒരുപോള കണ്ണടക്കാൻ പറ്റാത്ത സ്ഥിതിയാണ്.. എന്റെ മാത്രമല്ല, കൊച്ചിയിൽ താമസിക്കുന്ന ഓരോ മനുഷ്യന്റെയും അവസ്ഥ ഇതായിരുന്നു.. ആരോട് പറയാൻ ആര് കേൾക്കാൻ!!
ഇതിന്റെ ബുദ്ധിമുട്ട് അനുഭവിക്കുന്നത് സാധാരണക്കാരായ ജനങ്ങളാണ്.. എന്തൊക്കെ അസുഖങ്ങളാണ് വരാൻ പോകുന്നതെന്ന് ഒരുപിടിയുമില്ല. ഈ തീയും പുകയുമൊക്കെ അങ്ങ് അടങ്ങുമായിരിക്കും.!! ഇതിന് കാരണക്കാർക്ക് എതിരെ അതിപ്പോ ആരായാലും ശക്തമായ നടപടി എടുക്കണം!! അത്രമാത്രം സഹികെട്ടിട്ടാണ് ഇത് എഴുതുന്നത്.. ” കൃഷ്ണപ്രഭ പറഞ്ഞു.
Comments