ദുബായ് : ശ്രീരാഗ് ഫ്രെയിംസിന്റെ വാർഷികാഘോഷങ്ങൾ മാർച്ച് 19-ന് ദുബായ് എത്തിസലാത് അക്കാദമിയിൽ നടക്കുമെന്ന് സംഘാടകർ അറിയിച്ചു.യുഎഇയിലെ കലാപ്രതിഭകൾക്ക് വേദികൾ ഒരുക്കികൊടുക്കുക എന്ന ലക്ഷ്യത്തോടെ ആരംഭിച്ചതാണ് ശ്രീരാഗ് കലോത്സവം.
രാവിലെ എട്ട് മുതൽ വൈകിട്ട് ഏഴ് വരെയാണ് പരിപാടികൾ നടക്കുക. പരിപാടിയിൽ കേരളത്തിലെ വിവിധ ജില്ലകളിൽ നിന്നുള്ള പാരമ്പര്യ കലകൾ അവതരിപ്പിക്കും. കിഴക്കൂട്ട് അനിയൻ മാരാർ നേതൃത്വം നൽകുന്ന പാണ്ടിമേളം പരിപാടിയുടെ പ്രത്യേകതയാണ്. കൂടാതെ അനൂപ് ശങ്കർ നേതൃത്വം നൽകുന്ന ഗാനമേള, മഹേഷ് കുഞ്ഞുമോന്റെ അനുകരണ കലാപ്രകടനം എന്നിവയും പരിപാടിയെ കൂടുതൽ മനോഹരമാക്കും.
ശ്രീരാഗ് ഫ്രെയിംസ് സ്ഥാപകൻ അജിത് കുമാർ, ഭീമ ജ്വല്ലേഴ്സ് ഡയറക്ടർ നാഗരാജ് റാവു, ഷനിൽ പള്ളിയിൽ, റോഷൻ വെണ്ണിക്കൽ, അർച്ചന ബിനീഷ്, കലാമണ്ഡലം ലക്ഷ്മിപ്രിയ, ദീപിക സുജിത്, രവി നായർ എന്നിവർ വാർത്താ സമ്മേളനത്തിൽ സംസാരിച്ചു.
Comments