ജമ്മുകശ്മീരിന്റെ പല ജില്ലകളിലും ഹിമപാതം ഉണ്ടാകും; മുന്നറിയിപ്പുമായി ദുരന്ത നിവാരണ കേന്ദ്രം

ശ്രീനഗർ: ജമ്മുകശ്മീരിലെ പല ജില്ലകളിലും ഹിമപാതം ഉണ്ടാകുമെന്ന് ജമ്മുകശ്മീർ ദുരന്ത നിവാരണ അതോറിറ്റി അറിയിച്ചു. സമുദ്രനിരപ്പിൽ നിന്ന് 2,800 മുതൽ 3,000 മീറ്റർ വരെ ഉയരത്തിൽ അപകടനിലയിലുള്ള ഹിമപാതം ഉണ്ടാകാൻ സാധ്യതയുണ്ടെന്ന് അതോറിറ്റി മുന്നറിയിപ്പ് നൽകി.

ബാരാമുള്ള, ദോഡ, ഗന്ധർബാൽ, കിഷ്ത്വാർ, കുപ്‌വാര, കുപ്വാര പൂഞ്ച്, രംബാൻ, റിയാസി, അനന്ത്നാഗ്, കുൽഗാം എന്നിവിടങ്ങളിലാണ് ഹിമപാതമുണ്ടാകാൻ സാധ്യതയുള്ളത്. ഈ പ്രദേശങ്ങളിൽ താമസിക്കുന്നവർ മുൻകരുതലുകൾ എടുക്കണമെന്നും ഇനിയൊരു ഉത്തരവ് ഉണ്ടാകുന്നത് വരെ ഹിമപാത സാധ്യതയുള്ള പ്രദേശങ്ങളിലേക്ക് പോകരുതെന്നും അതോറിറ്റി നിർദേശിച്ചു. ഫെബ്രുവരിയിൽ ജമ്മുകശ്മീരിലെ ഗുൽമാർഗിലുണ്ടായ ഹിമപാതത്തിൽ രണ്ട് വിദേശികൾ മരിച്ചിരുന്നു.