എറണാകുളം: ബ്രഹ്മപുരത്ത് പുതിയ മാലിന്യപ്ലാന്റിന് നഗരസഭ ടെൻഡർ വിളിച്ചു.48.56 കോടി രൂപയുടേതാണ് ടെൻഡർ. എട്ടുമാസത്തിനുള്ളിൽ ജൈവമാലിന്യ സംസ്കരണ പ്ലാന്റിന്റെ നിർമ്മാണം പൂർത്തിയാക്കണം. പ്രതിദിനം 150 ടൺ ജൈവമാലിന്യം സംസ്കരിക്കാൻ ശേഷിയുണ്ടാകണം എന്നാണ് കരാർ വ്യവസ്ഥ. പ്ലാന്റ് നിർമ്മിച്ച് അഞ്ച് വർഷം പ്രവർത്തിപ്പിക്കണം., അറ്റകുറ്റപ്പണികൾ നടത്തണമെന്നും ടെൻഡറിൽ പറയുന്നു.
അഞ്ച് വർഷമെങ്കിലും പ്രവൃത്തിപരിചയമുള്ളവർക്കാണ് ടെൻഡറെടുക്കാൻ കഴിയുക. പ്രതിവർഷം 43,000 ടൺ കൈകാര്യം ചെയ്തുള്ള പരിചയം ഉണ്ടായിരിക്കണമെന്നും ടെൻഡറിൽ പറയുന്നു. എട്ട് മാസത്തിനുള്ളിൽ നിർമ്മാണം പൂർത്തീകരിച്ച് ഒൻപതാം മാസം മുതൽ പ്രവർത്തനം തുടങ്ങണമെന്നും ടെൻഡറിലുണ്ട്.
Comments