പാരിസ്: ഫ്രാൻസിലെ മാർസെയിൽ കെട്ടിടം തകർന്ന് വീണ് സ്ഫോടനം. രണ്ട് പേർ മരിച്ചു. കാണാതായവർക്കായി തിരച്ചിൽ തുടരുന്നുണ്ടെന്ന് അധികൃതർ അറിയിച്ചു.
അപകടത്തെ തുടർന്ന് അഗ്നിശമന സേന സ്ഥലത്തെത്തി. രക്ഷാ പ്രവർത്തനങ്ങൾ ആരംഭിച്ചു. കാണാതായവർക്കായി തിരച്ചിൽ നടക്കുകയാണ്. സംഭവത്തിൽ അന്വേഷണം ആരംഭിച്ചിട്ടുണ്ടെന്നും അധികൃതർ അറിയിച്ചു.
ഫ്രാൻസിലെ രണ്ടാമത്തെ വലിയ നഗരമായ മാർസെയിലിന്റെ മധ്യഭാഗത്തുള്ള പഴയ തുറമുഖത്തിന് സമീപമാണ് കെട്ടിടം തകർന്ന് വീണത്. അപകടത്തെ തുടർന്ന് പ്രദേശത്തെ 200- ഓളം പേരെ വീടുകളിൽ നിന്ന് ഒഴിപ്പിച്ചു. സംഭവത്തിൽ മാർസെയിൽ മേയർ ബെനോയിറ്റ് പയൻ ദുഃഖം രേഖപ്പെടുത്തി.
