മുംബൈ : ആപ്പിളിന്റെ രാജ്യത്തെ ആദ്യ റീട്ടെയിൽ സ്റ്റോർനാളെ തുറക്കും. മുംബൈയിലെ ബന്ദ്ര കുർല കോംപ്ലക്സിലണ് അപ്പിളിന്റെ റീട്ടെയിൽ സ്റ്റോറുകൾ പ്രവർത്തിക്കുന്നത്. നാളെ രാവിലെ 11 മണിക്ക് സ്റ്റോർ തുറക്കുമെന്ന് അധികൃതർ അറിയിച്ചു.
മുകേഷ് അംബാനിയുടെ ഉടമസ്ഥതയിലുള്ള ജിയോ വേൾഡ് ഡ്രൈവ് എന്ന ഇൻസ്റ്റാഗ്രം അക്കൗണ്ടിൽ ആപ്പിൾ സ്റ്റോറിന്റെ നിരവധി ചിത്രങ്ങൾ പങ്കുവച്ചിട്ടുണ്ട് . മുംബൈ, ഞങ്ങൾക്ക് ഞങ്ങളുടെ ആവേശം അടക്കാനാകുന്നില്ല എന്ന് അടിക്കുറിപ്പോടെയാണ് ഇൻസ്റ്റാഗ്രാമിൽ ചിത്രങ്ങൾ പോസ്റ്റ് ചെയ്തത്. ആപ്പിൾ സ്റ്റോർ പ്രവർത്തനക്ഷമമാകുന്നതോടെ ഇന്ത്യയിൽ ഇലക്ട്രോണിക്സ് വിപണി വളർച്ച പുതിയ ഗതിവേഗം പ്രാപിക്കും. ഒരുപാട് നാളത്തെ കാത്തിരിപ്പിന് ശേഷമാണ് ആപ്പിളിന്റെ ആദ്യ കമ്പനി എസ്ക്ലൂസിവ് സ്റ്റോർ മുംബൈയിൽ ആരംഭിക്കുന്നത്.
ആപ്പിളിന്റെ ഏറ്റവും പുതിയ മോഡലായ ഐഫോൺ 14-ന്റെ നിർമ്മാണം ഇന്ത്യയിൽ ആരംഭിച്ചതായി കമ്പിനി അധികൃതർ അറിയിച്ചു. കൂടാതെ, ഏറ്റവും പുതിയ ഐഫോൺ 14 മോഡലുകൾ, മാക്ക്ബുക്സ്, ഐപാഡ് എന്നിവയുൾപ്പെടെ നിരവധി ഉപകരണങ്ങളും സേവനങ്ങളും ലഭ്യമാക്കുമെന്ന് അധികൃതർ വ്യക്തമാക്കി.
Comments