കണ്ണൂർ: കണ്ണൂരിലെ മുസ്ലീം കുടുംബങ്ങളിൽ വിവാഹവുമായി ബന്ധപ്പെട്ട് നിലനിൽക്കുന്ന പ്രത്യേക രീതികളെ കുറിച്ച് നടി നിഖില വിമൽ. ‘അയൽവാശി’ എന്ന ചിത്രത്തിന്റെ ഭാഗമായി നടന്ന അഭിമുഖത്തിലാണ് താൻ കണ്ടിട്ടുള്ള മുസ്ലീം കല്യാണങ്ങളെ പറ്റി നടി സംസാരിച്ചത്.
ഇപ്പോഴും വിവാഹ വീടുകളിൽ പെണ്ണുങ്ങൾക്ക് ഭക്ഷണം കൊടുക്കുന്നത് അടുക്കള ഭാഗത്താണ്. അതിനായി പ്രത്യേകം പന്തൽ സജ്ജികരിക്കും. ആണുങ്ങളൊക്കെ പുറത്ത് നിന്നും പെണ്ണുങ്ങളൊക്കെ അടുക്കള ഭാഗത്തിരുന്നും കഴിക്കും. ഇപ്പോഴും അതിനൊന്നും ഒരു മാറ്റവും വന്നിട്ടില്ല. ആണുങ്ങൾ പെണ്ണിന്റെ വീട്ടിലാണ് നിക്കാഹ് കഴിഞ്ഞാൽ താമസിക്കുന്നത്. പിന്നെ അവരെ പുതിയാപ്ല എന്നാണ് വിളിക്കുന്നത്. മരിക്കുന്നതുവരെ അവർ പുതിയാപ്ലമാരായിരിക്കും. പുതിയാപ്ല എപ്പോൾ വന്നാലും വലിയ സൽക്കാരമാണ് അവർക്കായി ഒരുക്കുന്നത്. മരിച്ചാൽ പോലും പുതിയാപ്ല മരിച്ചെന്നാണ് പറയുക നിഖില കൂട്ടിച്ചേർത്തു.
കോളേജ് കാലഘട്ടത്തിലാണ് മുസ്ലീം കല്ല്യാണത്തിനൊക്കെ പോയിട്ടുള്ളത് നിഖില വിമൽ പറയുന്നു. നാട്ടിലെ കല്യാണത്തെക്കുറിച്ചോർക്കുമ്പോൾ തലേന്നത്തെ ചോറും മീൻകറിയുമൊക്കെയാണ് മനസിൽ വരിക നിഖില പറഞ്ഞു.
