ഹൈദരാബാദ്: തെലങ്കാനയിൽ കെ.ചന്ദ്രശേഖർ റാവുന്റെ നേതൃത്വത്തിലുള്ള ബിആർഎസ് (ഭാരത് രാഷ്ട്ര സമിതി) സർക്കാരിന്റെ ദിനങ്ങൾ എണ്ണപ്പെട്ടുവെന്ന് കേന്ദ്ര ആഭ്യന്തരമന്ത്രി അമിത് ഷാ പറഞ്ഞു. സംസ്ഥാനത്തെ നിലവിലെ ഭരണം തകർന്നടിയുന്നതുവരെ പോരാടുമെന്നും അമിത് ഷാ വ്യക്തമാക്കി.
ഞങ്ങളുടെ പ്രവർത്തകർ നിങ്ങളുടെ അതിക്രമങ്ങളിൽ ഭയപ്പെടുന്നില്ല. നിങ്ങളെ താഴെയിറക്കുന്നത് വരെ ഞങ്ങളുടെ പോരാട്ടം അവസാനിപ്പിക്കില്ലെന്നും അമിത് ഷാ ആരോപിച്ചു. കഴിഞ്ഞ ഒൻപത് വർഷമായി സംസ്ഥാനത്ത് അഴിമതി നിറഞ്ഞ സർക്കാരാണ് ഭരണംനടത്തുന്നത്. ബിആർഎസിന്റെ കൗണ്ട്ഡൗൺ ആരംഭിച്ചിതായും ബിആർഎസിനെതിരെ അമിത് ഷാ പറഞ്ഞു. സംസ്ഥാനത്ത് ബിജെപി സർക്കാർ അധികാരത്തിലെത്തുന്നതോടെ അഴിമതി നടത്തുന്നവർക്കെതിരെ ശക്തമായി നടപടി സ്വീകരിക്കുമെന്ന് അമിത് ഷാ പറഞ്ഞു. സംസ്ഥാനത്തെ പോലീസും രാഷ്ട്രീയവത്കരിക്കപ്പെട്ടിരിക്കുന്നു. പ്രധാനമന്ത്രി നരേന്ദ്ര മോദി നടപ്പാക്കുന്ന ക്ഷേമ പദ്ധതികളൊന്നും തന്നെ സംസ്ഥാനത്ത് സർക്കാർ നടപ്പിലാക്കുന്നില്ലെന്നും അദ്ദേഹം വ്യക്തമാക്കി.
Comments