മദ്ധ്യപ്രദേശിൽ സിംഹത്തോട് സാദൃശ്യമുള്ള പശുക്കിടാവ്; അത്ഭുതമെന്ന് നാട്ടുകാർ

ഭോപ്പാൽ: മദ്ധ്യപ്രദേശിൽ സിംഹത്തോടു സാദൃശ്യമുള്ള പശുക്കിടാവ് ജനിച്ചു. മദ്ധ്യപ്രദേശിലെ റെയ്സൻ ജില്ലയിലാണ്  വിചിത്ര സംഭവം. കർഷകനായ
നാഥുലാലിന്റെ വീട്ടിലാണ് സിംഹത്തോട് സാദൃശ്യമുള്ള പശുക്കിടാവ് ജനിച്ചത്. ഈ അപൂർവ സംഭവം അറിഞ്ഞ് നിരവധി നാട്ടുകാരാണ് നാഥുലാലിന്റെ വീട്ടിലെത്തുന്നത്.

പശുക്കിടാവിനെ ഒറ്റനോട്ടത്തിൽ തന്നെ സിംഹകുട്ടി എന്ന് തോന്നിക്കും. പശുവിന്റെ ഗർഭപാത്രത്തിലെ തകരാർ മൂലമായിരിക്കും ഇങ്ങനെ സംഭവിച്ചതെന്നാണ് മൃഗ ഡോക്ടർമാർ പറയുന്നത്. പ്രസവിച്ച ഉടനെ ആരോഗ്യമുള്ള കിടാവായി തോന്നിയെങ്കിലും അരമണിക്കൂറിനകം പശുക്കിടാവ് ചത്തുപോകുകയായിരുന്നു.