കൊച്ചി: ലോക്‌സഭാ തിരഞ്ഞെടുപ്പിൽ കോൺഗ്രസ് തോറ്റ് തുന്നംപാടുമെന്ന് സിപിഎം സംസ്ഥാന സെക്രട്ടറി എംവി ഗോവിന്ദൻ. ഇന്ത്യയെ ഫാസിസത്തിലേക്ക് കൊണ്ടുപോയ ആദ്യ പാർട്ടി കോൺഗ്രസ് ആണ്. ബിജെപിയെ തകർക്കാൻ തങ്ങൾക്ക് മാത്രമേ സാധിക്കൂവെന്ന് അഹങ്കരിച്ച് മുന്നോട്ട് പോയാൽ കനത്ത തിരിച്ചടിയായിരിക്കും കോൺഗ്രസിന് ഏറ്റുവാങ്ങേണ്ടി വരിക. വരുന്ന ലോക്‌സഭാ തിരഞ്ഞെടുപ്പിൽ കോൺഗ്രസ് തോറ്റ് തുന്നംപാടുമെന്നും എംവി ഗോവിന്ദൻ പറഞ്ഞു.
ഇന്ത്യയെ ഫാസിസത്തിലേക്ക് കൊണ്ടുപോയ ആദ്യ പാർട്ടിയാണ് കോൺഗ്രസ്. അടിയന്തിരാവസ്ഥ പ്രഖ്യാപിച്ചത് ഇതിനുദാഹരണമായിരുന്നു. മതസൗഹാർദ്ദം എപ്രകാരം തകർക്കാമെന്ന് ആസൂത്രണം ചെയ്യുകയാണ് കോൺഗ്രസ് എന്നും ഗോവിന്ദൻ പറഞ്ഞു. എഐ കാമറയെ സംബന്ധിച്ച് ഉയരുന്ന വിമർശനങ്ങൾ അംസബന്ധമാണെന്നും എഐ കാമറ സംസ്ഥാന സർക്കാരിന്റെ സൃഷ്ടിയല്ലെന്നും സിപിഎം നേതാവ് ചൂണ്ടിക്കാട്ടി. കേരളത്തിലെ മാദ്ധ്യമ ശൃംഖല പൂർണമായും സിപിഎമ്മിന് എതിരാണെന്നും ഗോവിന്ദൻ കുറ്റപ്പെടുത്തി.
