എണ്ണ പലഹാരങ്ങൾ നമുക്ക് ഏറെ ഇഷ്ടമാണ്. പ്രത്യേകിച്ച് പഴംപൊരിയും ഉഴുന്നു വടയും പോലുള്ള പലഹാരങ്ങൾ. വീട്ടിൽ ഉണ്ടാക്കുന്നതാണെങ്കിലും കടയിൽ നിന്ന് വാങ്ങുന്നതാണെങ്കിലും അവയിലെ എണ്ണമയം പോകാൻ നാം പൊതുവെ ചെയ്യുന്ന ഒന്നാണ് പലഹാരങ്ങൾ ന്യൂസ് പേപ്പർ താളുകൾ ഉപയോഗിച്ച് ഒപ്പുക എന്നത്. ഇത് അത്ര നല്ല ശീലമാണോ? ഇങ്ങനെ ചെയ്യുന്നത് അപകടമല്ലേ!. ശരിയാണ്, പത്രക്കടലാസുകളിൽ പൊതിഞ്ഞ് അമർത്തി എണ്ണ കളഞ്ഞ ശേഷം പലഹാരം ഭക്ഷിക്കുന്നത് ആരോഗ്യത്തിന് നല്ലതല്ല എന്നാണ് ഡോക്ടർമാർ പറയുന്നത്.
എണ്ണ കളയാൻ വേണ്ടി പത്ര കടലാസുകളിൽ പലഹാരങ്ങൾ അമർത്തുന്നത് വളരെ അപകടകരമാണ്. പത്ര കടലാസുകൾ അച്ചടിക്കാൻ ഉപയോഗിച്ചിരിക്കുന്ന പ്രിന്റിംഗ് മഷിയിൽ ധാരാളം രാസവസ്തുക്കൾ അടിങ്ങിയിട്ടുണ്ട്. ഈ രാസവസ്തുക്കൾ, പ്രത്യേകിച്ച് ലെഡ് എന്ന രാസവസ്തു ആഹാരത്തിൽ പറ്റി പിടിക്കും. ലെഡിന്റെ അമിതമായ അളവ് മരണത്തിന് വരെ കാരണമാകാം.
ലെഡിന്റെ അംശം ശരീരത്തിൽ പ്രവേശിച്ചാൽ ശക്തമായ വയറുവേദന, മലബന്ധം, തലവേദന, ക്ഷീണം എന്നിവ ഉണ്ടാകും. എണ്ണ പലഹാരങ്ങൾ ഇത്തരത്തിൽ പത്ര കടലാസുകളിൽ ഒപ്പിയ ശേഷം സ്ഥിരമായി കഴിച്ചാൽ ഓർമ്മ കുറവ്, രക്ത കുറവ്, രക്ത സമ്മർദം, വൃക്ക തകരാർ തുടങ്ങിയ ഗുരുതര പ്രശ്നങ്ങളിലേയ്‌ക്കും നിങ്ങളെ നയിക്കും.
Comments