ന്യൂയോർക്ക്: ഹിന്ദുക്കളുടെ പ്രധാന ആഘോഷമായ ദീപാവലി ഔദ്യോഗിക ഫെഡറൽ അവധിയാക്കാൻ യുഎസ് ശ്രമം തുടങ്ങി. ഇത് സംബന്ധിച്ച ബിൽ യുഎസ് കോൺഗ്രസിൽ അവതരിപ്പിച്ചു. ഇന്ത്യൻ പ്രവാസികളുടെയും നിയമനിർമ്മാതാക്കളുടെ വർഷങ്ങളായുള്ള പരിശ്രമത്തിന്റെ ഫലമാണിത്. നിയമ നിർമ്മാണ സഭാംഗം ഗ്രേസ് മേൻഗ് ആണ് ബിൽ അവതരിപ്പിച്ചത്. ലോകമെമ്പാടുമുള്ള കോടിക്കണക്കിന് ജനങ്ങൾക്കും അമേരിക്കയിലെ ലക്ഷക്കണക്കിന് കുടുംബങ്ങൾക്കും അവരുടെ ജീവിതത്തിലെ ഏറ്റവും പ്രധാന ദിവസങ്ങളിലൊന്നാണ് ദീപാവലിയെന്ന് ഗ്രേസ്ഡ് മെങ് പറഞ്ഞു
സമ്പന്നവും വൈവിധ്യപൂർണവുമായ ഭാരതീയ സംസ്കാരത്തെ അംഗീകരിക്കുന്നതിനുള്ള ന്യൂയോർക്കിന്റെ നിർണായക ചുവടുവയ്പാണിതെന്ന് അസംബ്ലി സ്പീക്കർ കാൾ ഹെസ്റ്റി പറഞ്ഞു. ‘
‘ദീപാവലി ദിന നിയമം’ അംഗീകരിക്കപ്പെട്ടാൽ യുഎസിൽ ഔദ്യോഗികമായി അംഗീകരിക്കപ്പെട്ട 12ാമത്തെ അവധി ദിനമായി ഇത് മാറും. ന്യൂയോർക്ക് സിറ്റി മേയർ എറിക് ആഡംസ് കഴിഞ്ഞ വർഷം ദീപാവലി പൊതു സ്കൂൾ അവധി പ്രഖ്യാപിച്ചിരുന്നു.
അമേരിക്കൻ സംസ്ഥാനമായ പെൻസിൽവേനിയ ദീപാവലി ദിനം അവധി ദിവസമായി പ്രഖ്യാപിച്ചത് കഴിഞ്ഞ മാസമാണ്. ദീപാവലിയ്ക്കൊപ്പം ചാന്ദ്ര പുതുവർഷത്തെയും ഫെഡറൽ അവധിയാക്കാൻ സാദ്ധ്യതയുണ്ട്.
Comments