മിനി കൂപ്പർ മലയാളിയുടെ പ്രിയ വാഹനമായി മാറിയിട്ട് അധികകാലം ആയില്ല. ലാളിത്യത്തിൽ ഒതുങ്ങിയ ആഢംബരം ഇതാണ് മിനി കൂപ്പറുകളെ ഇന്ത്യൻ റോഡുകളുടെ താരമാക്കി മാറ്റിയത്. ഇത്തിരി കുഞ്ഞൻ മിനി കാറുകൾ ഇന്ത്യയിൽ വന്നിട്ട് ഏറെ കാലമായിട്ടില്ല. ബ്രിട്ടീഷ് പാരമ്പര്യം ഉയർത്തി നിരത്തുകളിൽ പായുന്ന മിനി കൂപ്പർ കാറുകൾ ഇന്നും വിസ്മയകാഴചകളാണ്.
വില കൂടുതലാണെങ്കിലും മലയാള സിനിമയിലെ പ്രമുഖ താരങ്ങളെല്ലാം മിനി കൂപ്പറിന് പിറകേയാണ്. ഈ കാറുകളുടെ ഹൈ-എൻഡ് ബിൽഡും ഡിസൈനുമാണ് ഇവയുടെ വില കൂടാൻ കാരണം. ഈ കാറുകൾ യൂറോപ്പിൽ നിർമ്മിച്ചതാണ് അതിനാൽ ഇവ ഇറക്കുമതി ചെയ്ത വാഹനങ്ങളാണ്. അതും നിങ്ങൾ വിലയുടെ കാര്യത്തിൽ പരിഗണിക്കേണ്ടതുണ്ട്,
റോൾസ് റോയ്സുമായോ മെഴ്സിഡസ് ബെൻസുമായോ താരതമ്യം ചെയ്യാൻ സാധിക്കില്ലെങ്കിലും, മിനി കൂപ്പർ ആഡംബര കാർ തന്നെയാണ്. അതിനാൽ അറ്റകുറ്റപ്പണികൾക്കുള്ള ചെലവ് കൂടുതലാണ്. ഈ കാറുകൾക്ക് പ്രീമിയം ഇന്ധനം ആവശ്യമാണ്. ഇതെല്ലാം പരിഗണിച്ച് വേണം മിനി കൂപ്പർ സ്വന്തമാക്കാൻ.
Comments