ഹോണ്ട ഡിയോ എച്ച്-സ്മാർട്ട് സ്കൂട്ടർ വിപണിയിൽ അവതരിപ്പിക്കാാെനരുങ്ങുന്നു. സ്കൂട്ടറിന്റെ ബുക്കിംഗ് ആരംഭിച്ചിട്ടുണ്ട്. നിരവധി പുതുമകളോടെ ഇറങ്ങുന്ന സകൂട്ടർ സ്വന്തമാക്കാൻ ആഗ്രഹിക്കുന്നവർക്ക് അടുത്തുള്ള ഡീലർഷിപ്പ് വഴിയോ ഹോണ്ടയുടെ വെബ്സൈറ്റ് വഴിയോ ഡിയോ എച്ച്-സ്മാർട്ട് ബുക്ക് ചെയ്യാവുന്നതാണ്.
77,712 രൂപയാണ് സ്കൂട്ടറിന്റെ എക്സ് ഷോറൂം വില.ഹോണ്ട ഡിയോ സ്പോർട്ടി 110 സിസി സ്കൂട്ടറിന്റെ ബേസിക്ക് ‘സ്റ്റാൻഡേർഡ്’, ‘ഡീലക്സ്’ വേരിയന്റുകൾക്ക് കമ്പനി വില ഉയർത്തിയേക്കുമെന്നാണ് വിവരം. പുതിയ ഹോണ്ട ഡിയോ ലൈനപ്പ് സ്റ്റാൻഡേർഡ് വേരിയന്റിന് 70,211 രൂപ മുതലാണ് എക്സ് ഷോറൂം വില ആരംഭിക്കുന്നത്. ഹോണ്ട ഡിയോ ഡീലക്സിന് 74,212 രൂപയാണ് എക്സ് ഷോറൂം വില.
നാല് ഇൻഡിക്കേറ്ററുകളും ഫ്ളാഷ് ചെയ്തുകൊണ്ട് നിരവധി വാഹനങ്ങൾ പാർക്ക് ചെയ്തിരിക്കുന്ന സ്ഥലത്ത് പോലും ഡിയോ എളുപ്പം കണ്ടെത്താം. ഇതിനായി സ്മാർട്ട് ഫൈൻഡ് എന്ന ഫീച്ചറും കമ്പനി അവതരിപ്പിച്ചിട്ടുണ്ട്. ഹോണ്ട ഡിയോ എച്ച്-സ്മാർട്ട് സേഫ് സ്കൂട്ടറിന്റെ കീലെസ് ഫംഗ്ഷണാലിറ്റി ഓഫ് ചെയ്താൽ സ്കൂട്ടർ ഒരു സ്വിച്ച് ഉപയോഗിച്ച് സ്റ്റാർട്ട് ചെയ്യാൻ സാധിക്കും. സ്മാർട്ട് സ്റ്റാർട്ട് എന്ന സംവിധാനമാണ് ഇതിന് സഹായിക്കുന്നത്. സ്മാർട്ട് അൺലോക്കിലൂടെ സ്കൂട്ടർ ഉടമകൾക്ക് കീ ഫോബ് ഉപയോഗിച്ച് ഹാൻഡിൽബാർ, ഫ്യൂവൽ ഫില്ലർ ക്യാപ്, സീറ്റിനടിയിലെ സ്റ്റോറേജ് എന്നിവ അൺലോക്ക് ചെയ്യാൻ സാധിക്കും. സാധാരണ ഡിയോയിൽ നിന്ന് വ്യത്യസ്തമായി ഡിയോയിൽ അലോയ് വീലുകളുണ്ട്.
