വാക്‌സിൻ എടുത്തു എന്നിട്ടും; കാട്ടുപൂച്ചയിൽ നിന്ന് പേവിഷബാധയേറ്റ് യുവാവിന് ദാരുണാന്ത്യം

കൊല്ലം: കാട്ടുപൂച്ച കടിച്ചതിനെ തുടർന്ന് യുവാവ് മരിച്ചത് പേവിഷബാധ മൂലമെന്ന് സ്ഥിരീകരണം. നിലമേൽ സ്വദേശി 48 വയസ്സുള്ള മുഹമ്മദ് റാഫിയാണ് മരിച്ചത്. ടാപ്പിംഗ് തൊഴിലാളിയാണ് മുഹമ്മദ് റാഫി. കഴിഞ്ഞ മാസം 22നാണ് മുഖത്ത് കടിയേറ്റത്. പിന്നീട് പേവിഷബാധയുടെ ലക്ഷണങ്ങളോടെ 12ന് പാരിപ്പിള്ളി മെഡിക്കൽ കോളേജിൽ പ്രവേശിപ്പിച്ചു.

തുടർന്ന് തിരുവനന്തപുരം മെഡിക്കൽ കോളേജിലേക്ക് മാറ്റിയെങ്കിലും 14ന് മരിച്ചു.പാലോട് പ്രവർത്തിക്കുന്ന സ്റ്റേറ്റ് ഇൻസ്റ്റിറ്റയൂട്ട് ഫോർ അനിമൽ ഡിസീസിൽ നടത്തിയ പരിശോധനയിലാണ് പേവിഷബാധ സ്ഥിരീകരിച്ചത് തിരുവനന്തപുരം മെഡിക്കൽ കോളേജിൽ നിന്നാണ് സാമ്പിൾ പരിശോധനയ്‌ക്ക്അയച്ചത്. കടിയേറ്റതിന് പിന്നാലെ മുഹമ്മദ് റാഫി പേവിഷബാധയ്‌ക്കെതിരായ വാക്‌സിൻ എടുത്തിരുന്നു.