മലപ്പുറം: മലപ്പുറത്ത് 13-കാരൻ മരിച്ചത് എച്ച് 1 എൻ 1 മൂലമാണെന്ന് സ്ഥിരീകരിച്ചു. കുറ്റിപ്പുറം സ്വദേശി ഗോകുലാണ് പനി ബാധിച്ച് മരിച്ചത്. ഈ മാസം 19-ന് ആയിരുന്നു സംഭവം.
19-നാണ് കുട്ടിയെ പനിയെ തുടർന്ന് ആശുപത്രിയിൽ പ്രവേശിപ്പിച്ചത്. തുടർന്ന് ചികിത്സയിൽ ഇരിക്കെ 24 മണിക്കൂറിനിടെ മരണപ്പെടുകയായിരുന്നു. ജില്ലയിൽ എലിപ്പനിയും ഡെങ്കിപ്പനിയും വ്യാപകമായതിനാൽ സംശയമുണ്ടായിരുന്നു.
തുടർന്ന് പോസ്റ്റ്മോർട്ടം റിപ്പോർട്ട് വന്നതിന് പിന്നാലെയാണ് മരണകാരണം എച്ച്1എൻ1 എന്ന് മനസ്സിലായത്. മലപ്പുറം ജില്ലയിൽ റിപ്പോർട്ട് ചെയ്യുന്ന ആദ്യത്തെ എച്ച്1എൻ1 മരണമാണിത്.
