ആരാധകരെ ത്രഡ്സിലേയ്ക്ക് ക്ഷണിച്ച് സൂപ്പർ താരങ്ങളും. ഇതോടെ സോഷ്യൽ മീഡിയയിൽ ആകെ തരംഗമായി മാറിയിരിക്കുകയാണ് ത്രഡ്സ്. ലോഞ്ച് ചെയ്ത് മണിക്കൂറുകൾക്കകം തന്നെ മലയാളത്തിലെ സൂപ്പർ താരങ്ങളടക്കം ത്രഡ്സിൽ സജീവമായിരിക്കുകയാണ്. ഇക്കൂട്ടത്തിൽ താരരാജാവ് മോഹൻലാലും എത്തിക്കഴിഞ്ഞു. ഞൊടിയിടയിൽതന്നെ നിരവധി പേരാണ് താരത്തെ ഫോളോ ചെയ്തിരിക്കുന്നത്. നിലവിൽ ഏറ്റവും കൂടുതൽ ഫോളോവേഴ്സ് ത്രെഡ്സിലുള്ള മലയാള താരങ്ങളിലൊരാളാണ് മോഹൻലാൽ.
ഇതിനോടകം തന്നെ മോഹൻലാലിന് 1.45 ലക്ഷം ഫോളോവേഴ്സായി കഴിഞ്ഞു. എന്നാൽ സോഷ്യൽ മീഡിയയിൽ സജീവമായ മെഗാസ്റ്റാർ മമ്മൂട്ടി ഇതുവരെ ത്രഡ്സിൽ എത്തിയിട്ടില്ല. മെഗാസ്റ്റാറിന്റെ വരവിനായി കാത്തിരിക്കുകയാണ് ആരാധകരും സോഷ്യൽ മീഡിയയും. എന്നാൽ ഇതിനോടകം തന്നെ ‘മമ്മൂട്ടിക്കമ്പനി’ അക്കൗണ്ട് എടുത്ത് കഴിഞ്ഞതും ആരാധകരെ അക്ഷമരാക്കിയിരിക്കുകയാണ്.
മോളിവുഡിനൊപ്പം മറ്റു ഭാഷയിലെ താരങ്ങളും ത്രെഡ്സിൽ അക്കൗണ്ട് തുടങ്ങിക്കഴിഞ്ഞു. നടിമാരായ തമന്ന ഭാട്ടിയ, പരിനീതി ചോപ്ര, സണ്ണി ലിയോണി, തപ്സി പന്നു, മൃണാൽ താക്കൂർ തുടങ്ങിയവരും ത്രെഡ്സിൽ അക്കൗണ്ട് തുടങ്ങിയിട്ടുണ്ട്. എന്തായാലും പുതിയ പ്ലാറ്റ്ഫോമിലേക്കുള്ള താരങ്ങളുടെ വരവിനെ ഇരുകൈയ്യും നീട്ടിയാണ് സോഷ്യൽ മീഡിയ സ്വീകരിച്ചിരിക്കുന്നത്.
Comments