ആനന്ദ് ടിവി അവാര്‍ഡിൽ ഏറ്റവും മികച്ച നടനുള്ള പുരസ്കാരം മമ്മൂട്ടിയില്‍ നിന്നും ഏറ്റുവാങ്ങിയ സന്തോഷത്തിലാണ് നടന്‍ ടൊവിനോ തോമസ്. സമൂഹമാദ്ധ്യമത്തിൽ പങ്കിട്ട വീഡിയോയിലൂടെയാണ് ടൊവിനോ തന്‍റെ സന്തോഷം പ്രേക്ഷകരോട് പങ്കുവെച്ചത്. മമ്മുക്കയുടെ കയ്യിന്നാണ് അവാർഡും അനുഗ്രഹവും കിട്ടിയേക്കുന്നെ, ഇനിയെന്നെ പിടിച്ചാ കിട്ടൂല എന്നാണ് വീഡിയോയ്‌ക്ക് ടൊവിനോ തലക്കെട്ട് നല്‍കിയത്.
ആവേശമുള്ളതാണ് ആരാധന ബിംബം. മമ്മുക്കയിൽ നിന്ന് ഒരു അവാർഡും അനുഗ്രഹവും ലഭിച്ചത് അവിസ്മരണീയ അനുഭവമാണ്. എന്‍റെ ആരാധന ബിംബം എന്നെക്കുറിച്ച് സന്തോഷകരമായ കാര്യങ്ങൾ പറയുന്നത് കേൾക്കുന്നതും ശരിക്കും അതിശയിപ്പിക്കുന്നതായിരുന്നു. അദ്ദേഹത്തിന്റെ സ്വന്തം ശൈലിയിലുള്ള ഒരു ബിൽഡപ്പ്. ജീവിതത്തിൽ എനിക്ക് അഭിമാനം തോന്നുന്ന നിമിഷം. 2021-ലെ മികച്ച നടനുള്ള അവാർഡ് നൽകിയതിന് ആനന്ദ് ഫിലിം അവാർഡിന് നന്ദി അറിയിക്കുന്നു. എനിക്കായി ഈ സ്വപ്നദിനം ഒരുക്കിയ എല്ലാവർക്കും നന്ദി. -ടൊവിനോ പോസ്റ്റില്‍ പറയുന്നു.
‘‘ഈ അവാർഡ്, ഭാര്യയും ഭര്‍ത്താവുമായി വന്നുചേർന്ന ഒരാൾക്കുള്ളതാണ്. നാം ഏറ്റവും അടുത്തു കണ്ട സിനിമയിലെ ജീവത്യാഗം നടത്തുന്ന റോള്‍ ചെയ്ത ഹീറോയ്‌ക്കുള്ളതാണ് ഈ അവാർഡ്. ആ സിനിമയിൽ അദ്ദേഹത്തിന്റെ കഥാപാത്രം മരിക്കുമ്പോൾ നമ്മുടെ നെഞ്ചിൽ അൽപം വേദന വന്നു. നമ്മുടെ മലയാളത്തിലെ ആദ്യ സൂപ്പർഹീറോ വേഷം അവതരിപ്പിച്ച ആളാണ്. ഇനി ഞാനെന്തിനാണ് പേര് പറയുന്നത്. ടൊവിനോ തോമസ്.’’ ഇങ്ങനെയായിരുന്നു പുരസ്കാര വേദിയിൽ വച്ച് ടൊവിനോയെ മമ്മൂട്ടി വിശേഷിപ്പിച്ചത്.
Comments