പാരീസ്: 2024ലെ പാരീസ് ഒളിമ്പിക്സിൽ പങ്കെടുക്കാൻ ഇന്ത്യൻ കായിക താരങ്ങൾ ആവേശഭരിതരാണെന്ന് പ്രധാനമന്ത്രി നരേന്ദ്ര മോദി അറിയിച്ചു. പാരീസിലെ എലിസീ പാലസിൽ നടന്ന പ്രസ് കോൺഫറൻസിനിടെയാണ് അദ്ദേഹം ഇക്കാര്യം പറഞ്ഞത്. അതേസമയം വിവിധ കായിക മാമാങ്കങ്ങൾക്ക് പാരീസ് വിജയകരമായി ആതിഥേയത്വം വഹിച്ചതിന് ഫ്രഞ്ച് പ്രസിഡന്റ് ഇമ്മാനുവൽ മാക്രോണിനെ പ്രധാനമന്ത്രി പ്രശംസിച്ചു.
2024ലെ ഒളിമ്പിക്സിന് സാക്ഷ്യം വഹിക്കുന്ന പാരീസിൽ ജൂലൈ 26 മുതൽ ഓഗസ്റ്റ് 11 വരെ 35 വേദികളിലായിട്ടാണ് കായിക മാമാങ്കത്തിന് തിരശീലയുയരുന്നത്. ഒളിമ്പിക്സ് വില്ലേജിന്റെ 10 കിലോ മീറ്റർ ചുറ്റളവിൽ 24 ഒളിമ്പിക്സ് സ്പോർട്സുകൾക്ക് ആതിഥേയത്വം വഹിക്കുന്ന 14 സൈറ്റുകളും ഉണ്ടായിരിക്കും. പാരീസിലെ വിവിധ സ്ഥലങ്ങളായ les yvelines,Hauts-de-seine, seine-et-marne , seine-saint-Denis എന്നിവിടങ്ങളിലായിരിക്കും ഗെയിമുകൾ നടക്കുക.
രണ്ട് ദിവസത്തെ പര്യടനത്തിനായി ഫ്രാൻസിലെത്തിയ പ്രധാനമന്ത്രി മുഖ്യാതിഥിയായി സൈനിക പരേഡിലും പങ്കെടുത്തിരുന്നു. ആചാരപരമായ സ്വീകരണത്താലാണ് പ്രധാനമന്ത്രിയെ ഫ്രാൻസ് വരവേറ്റത്.
Comments