ആലപ്പുഴ: ചേർത്തലയിൽ ദേശീയപാത വികസനത്തിന്റെ ഭാഗമായി മരം മുറിക്കുന്നതിനിടെ മരം വെട്ട് തൊഴിലാളിയ്ക്ക് ദാരുണാന്ത്യം. വൃക്ഷശിഖരം തലയിൽ വീണ് മണ്ണഞ്ചേരി സ്വദേശിഅബ്ദുൽ ഖാദർ (നവാസ്) ആണ് മരിച്ചത്. വ്യാഴാഴ്ച രാവിലെ 11 മണിയോടെയായിരുന്നു സംഭവം. ദേശീയപാതയിൽ ചേർത്തല കെ.വി.എം.ആശുപത്രിക്ക് മുന്നിലുണ്ടായിരുന്ന മരം മുറിക്കവെയായിരുന്നു അപകടം.
ദേശീയപാത വിഭാഗം ആശുപത്രിയ്ക്ക് മുന്നിലെ സ്ഥലം ഏറ്റെടുത്തിരുന്നു. ഇവിടെ നിന്നിരുന്ന മരങ്ങൾ മുറിക്കുന്നതിനിടെയാണ് അപകടം സംഭവിച്ചത്. മരം മുറിക്കുന്ന സമയം താഴെ നിന്ന് കയർ വലിച്ചു നൽകുകയായിരുന്നു അബ്ദുൽ ഖാദർ.
എന്നാൽ മുറിച്ച ശിഖരം കേട് പിടിച്ച് നിന്ന മറ്റൊരു ശിഖിരത്തിൽ പതിച്ചു. ഇതോടെ ആ ശിഖരം അപ്രതീക്ഷിതമായി ഒടിഞ്ഞ് അബ്ദുൽ ഖാദറിന്റെ തലയിലേക്കു വീഴുകയായിരുന്നു. ശിഖിരം ദേഹത്തേക്ക് പതിച്ചതിന്റെ ആഘാതത്തിൽ അബ്ദുൽ ഖാദറിന്റെ തല സമീപത്തെ ആശുപത്രി മതിലിൽ ഇടിച്ചു. ഗുരുതരമായി പരിക്കേറ്റ അബ്ദുൽ ഖാദറിനെ ഉടൻ തന്നെ ചേർത്തലയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. വെള്ളിയാഴ്ച വൈകുന്നേരം നാല് മണിയോടെ മരിച്ചു.
Comments