വാഹനപ്രേമികളുടെ എക്കാലത്തെയും പ്രിയപ്പെട്ട വാഹനങ്ങളുടെ ലിസ്റ്റിൽ ഉൾപ്പെടുന്ന ഒന്നാണ് ഇന്നോവ. ഡ്രൈവിംഗ് മികവ് കൊണ്ടും മികച്ച യാത്ര സൗകര്യം പ്രദാനം ചെയ്യുന്നതിനാലും ഇന്നോവ വളരെ പെട്ടെന്ന് തന്നെ വാഹന വിപണി കീഴടക്കിയിട്ടുണ്ട്. ഇപ്പോഴിതാ പ്രതിസന്ധിഘട്ടങ്ങളിൽ താങ്ങാകുന്നതിനായി ആംബുലൻസായും ക്രിസ്റ്റ ഇതാ അവതരിക്കാൻ ഒരുങ്ങുകയാണ്.
രണ്ട് വേരിയന്റുകളിലായാണ് ഇന്നോവ ക്രിസ്റ്റ ആംബുലൻസ് എത്തുന്നത്. പൈനാക്കിൾ ഇൻഡസ്ട്രീസ് ലിമിറ്റഡുമായി സഹകരിച്ചാണ് ഇതിന്റെ നിർമ്മാണം. ബേസിക്, അഡ്വാൻസ്ഡ് എന്നീ വേരിയന്റുകളിലാണ് ആംബുലൻസ് വിപണിയിൽ എത്തുക. ഒരു ആംബുലൻസിന് വേണ്ട മാറ്റങ്ങളെല്ലാം സജ്ജീകരിച്ചാകും ക്രിസ്റ്റ വിപണിയിൽ എത്തിക്കുന്നത്. മരുന്നുകൾ സൂക്ഷിക്കുന്നതിനുള്ള സൗകര്യം, എമർജൻസി കിറ്റ്, അഗ്നിശമന സംവിധാനം, ഓട്ടോ ലോഡിംഗ് സ്ട്രക്ച്ചർ, പാരമെഡിക് സീറ്റ്, ഫോൾഡിങ് റാംപ്, എടുത്തുമാറ്റവുന്ന ഓക്സിജൻ സിലിണ്ടർ എന്നിവ ക്രിസ്റ്റ ആംബുലൻസിൽ സജ്ജമാക്കും. അഡ്വാൻസ്ഡ് വേരിയന്റിൽ അധിക സൗകര്യങ്ങളും ഏർപ്പെടുത്തിയിട്ടുണ്ട്.
മൾട്ടി പാരാമീറ്റർ മോണിറ്റർ, ഓക്സിജൻ ഡെലിവറി സിസിറ്റം, പോർട്ടബിൾ സക്ഷൻ ആസ്പിരേറ്റർ, സ്പൈൻ ബോർഡ്, കെൻഡ്രിക് എക്സ്ട്രാക്ഷൻ ഡിവൈസ്, സ്റ്റേഷനറി ഓക്സിജൻ സിലിണ്ടർ എന്നിങ്ങനെയുള്ള സൗകര്യങ്ങളും അഡ്വാൻസ്ഡ് വേരിയന്റിൽ ഉണ്ടാകും. സ്റ്റാൻഡേഡ് മോഡിലേത് പോലെ തന്നെ 2.4 ലിറ്റർ ടർബോ ചാർജ്ഡ് ഡീസൽ എഞ്ചിനാണ് ഇന്നോവ ക്രിസ്റ്റ ആംബുലൻസിൽ ഉൾപ്പെടുത്തുക.
Comments