ഗ്യാൻവാപി പള്ളിയാണെങ്കിൽ ത്രിശൂലവും , ശിവലിംഗവും എങ്ങനെ അതിനുള്ളിൽ വന്നു ? ചോദ്യമുന്നയിച്ച് യോഗി ആദിത്യനാഥ്

ലക്നൗ : ഗ്യാൻവാപി സംഭവം ചരിത്രപരമായ തെറ്റാണെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ് . അവിടെ നിലനിൽക്കുന്ന കെട്ടിടത്തെ പള്ളി എന്ന് വിളിക്കുന്നത് തെറ്റാണെന്നും യോഗി ആദിത്യനാഥ് പറഞ്ഞു .

അത് പള്ളിയാണെങ്കിൽ ത്രിശൂലം പള്ളിക്കുള്ളിൽ എന്താണ് ചെയ്യുന്നത്? അവിടെ ജ്യോതിർലിംഗങ്ങളും വിഗ്രഹങ്ങളുമുണ്ട് .. . ജ്ഞാനവാപിയെ പള്ളി എന്ന് വിളിച്ചാൽ തർക്കമുണ്ടാകുമെന്നും യോഗി പറഞ്ഞു. ജ്ഞാനവാപി തർക്കത്തിന് പരിഹാരം കാണണമെന്നാണ് സർക്കാരിന്റെ ആവശ്യം. ചരിത്രപരമായ ഒരു തെറ്റ് മുസ്ലീം സമൂഹത്തിന് സംഭവിച്ചു, അത് പരിഹരിക്കാൻ മുസ്ലിം സമൂഹം മുന്നോട്ട് വരണം. – അദ്ദേഹം പറഞ്ഞു.

ദൈവം നമുക്ക് ഒരു ദർശനം നൽകിയതായി എനിക്ക് തോന്നുന്നു, അതിനാൽ നമ്മൾ അത് കാണണം. മസ്ജിദ് സമുച്ചയത്തിന്റെ മതിലുകൾ സത്യം വിളിച്ചുപറയുന്നു – ”മുഖ്യമന്ത്രി പറഞ്ഞു.