വൈദ്യുതി ബിൽ കുടിശിക വൻ പലിശയിളവോടെ തീർക്കാൻ സുവർണാവസരമൊരുക്കി കെഎസ്ഇബി. രണ്ട് വർഷത്തിന് മുകളിൽ പഴക്കമുള്ള കുടിശികകൾ ഒറ്റത്തവണ തീർപ്പാക്കൽ പദ്ധതിയിലൂടെ തീർപ്പാക്കാനാണ് അവസരമൊരുക്കുന്നത്.
ലോ ടെൻഷൻ ഉപഭോക്താക്കൾക്ക് അതത് സെക്ഷൻ ഓഫീസിലും ഹൈ ടെൻഷൻ ഉപഭോക്താക്കൾക്ക് സ്‌പെഷ്യൽ ഓഫീസർ റവന്യൂ കാര്യാലയത്തിലുമാണ് ഈ സേവനം ലഭിക്കുക. റവന്യൂ റിക്കവറി നടപടികൾ പുരോഗമിക്കുന്നതോ കോടതി വ്യവഹാരത്തിലുള്ളതോ ആയ കുടിശ്ശികകളും ഈ പദ്ധതിയിലൂടെ തീർപ്പാക്കാവുന്നതാണ്. രണ്ട് മുതൽ അഞ്ച് വർഷം വരെ പഴക്കമുള്ള കുടിശികൾക്ക് ആറ് ശതമാനം പലിശയും അഞ്ച് മുതൽ പഴക്കമുള്ള കുടിശികയ്‌ക്ക് അഞ്ച് ശതമാനം പലിശയും 15 വർഷത്തിന് മുകളിലുള്ള കുടിശികകൾക്ക് നാല് ശതമാനലവുമാണ് പലിശ.
വൈദ്യുതി കുടിശ്ശികകൾക്ക് ഉള്ള പലിശകൾ ആറ് തവണകളായി അടയ്‌ക്കാൻ അവസരമുണ്ട്. മുഴുവൻ വൈദ്യുതി കുടിശ്ശികയും പലിശയുൾപ്പെടെ ഒറ്റത്തവണയായി തീർപ്പാക്കിയാൽ ആകെ പലിശ തുകയിൽ രണ്ട് ശതമാനം അധിക ഇളവും ലഭിക്കും. പരിമിതകാലത്തേക്ക് മാത്രമാണ് ഈ അവസരമെന്നും കെഎസ്ഇബി അറിയിച്ചു.
Comments