തൃശൂര്: ചാലക്കുടിയിൽ നിയന്ത്രണം വിട്ട ബൈക്ക് ഇലക്ട്രിക് പോസ്റ്റിലിടിച്ച് രണ്ട് യുവാക്കൾ മരിച്ചു. കുറ്റിക്കാട് സ്വദേശികളായ രാഹുല് മോഹന് (24), സനന് സോജന്(19) എന്നിവരാണ് മരണത്തിന് കീഴടങ്ങിയത്. ചാലക്കുടി ഭാഗത്ത് നിന്ന് അതിരപ്പള്ളി ഭാഗത്തേക്ക് പോകുന്നതിനിടെയാണ് അപകടം നടന്നത്.
തലയ്ക്ക് അടക്കം ഗുരുതര പരിക്കേറ്റ ഇവരെ ചാലക്കുടിയിലെ സ്വകാര്യ ആശുപത്രിയില് എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. നിയന്ത്രണം വിട്ട ബൈക്ക് വൈദ്യുതി പോസ്റ്റിലേക്ക് ഇടിച്ചു കയറുകയായിരുന്നു.
അമിതിവേഗതയാണ് അപകടത്തിന് കാരണമെന്നാണ് നിഗമനം. പോലീസ് സംഭവസ്ഥലത്തെത്തി തുടര്നടപടികള് സ്വീകരിച്ചു.
Comments