തരംഗമായി റെഡ്മി 12 സീരീസ് സ്മാർട്ട്‌ഫോണുകൾ; ആദ്യ ദിനം വിറ്റവിച്ചത് 3 ലക്ഷം യൂണിറ്റുകൾ

വളരെ കുറച്ച് കാലം കൊണ്ട് ജനപ്രീതി ആകർഷിച്ച ആൻഡ്രോയിഡ് സ്മാർട്ട്‌ഫോൺ കമ്പനിയാണ് റെഡ്മി. അടുത്തിടെ കമ്പനി പുറത്തിറക്കിയ ബജറ്റ് ഫ്രണ്ട്‌ലി സ്മാർട്ട്‌ഫോണുകളായ റെഡ്മി 12 സീരീസുകളിലെ രണ്ട് വേരിയന്റുകളായ റെഡ്മി 12, റെഡ്മി 12 5ജി എന്നീ ഫോണുകൾ ഓഗസ്റ്റ് 4-നാണ് വിൽപ്പന നടത്തിയത്. ഒരു ദിവസം കൊണ്ട് 3 ലക്ഷം യൂണിറ്റ് വിൽപ്പന എന്ന നേട്ടമാണ് ഈ സ്മാർട്ട്‌ഫോണുകൾക്ക് നേടാൻ കഴിഞ്ഞത്. ബജറ്റ് ഫ്രണ്ട്‌ലി സ്മാർട്ടുകളായ രണ്ട് വേരിയന്റുകളുടെയും സവിശേഷതകൾ അറിയാം..

സവിശേഷതകൾ

5,000 എംഎഎച്ച് ബാറ്ററി, 6.79 ഇഞ്ച് FHD+ ഡിസ്‌പ്ലെയോടു കൂടി വരുന്ന റെഡ്മി 12 സീരീസിലെ രണ്ട് ഫോണുകളിലും 50 എംപിയുടെ പ്രൈമറി ക്യാമറയാണ് വരുന്നത്. ക്വാൽകോം സ്‌നാപ്ഡ്രാഗൺ 4 ജെൻ 2- 5ജി ചിപ്പ് സെറ്റുമായി വരുന്ന ഇന്ത്യയിലെ ആദ്യത്തെ സ്മാർട്ട്‌ഫോണാണ് റെഡ്മി 12- 5ജി.

വിലയും ലഭ്യതയും

മുകളിൽ സൂചിപ്പിച്ചതു പോലെ ബജറ്റ് ഫ്രണ്ട്‌ലി സ്മാർട്ടുഫോണുകളായ റെഡ്മി 12- 5ജി സീരീസിൽ, 128 ജിബി സ്‌റ്റോറേജും 4 ജിബി റാമുമുള്ള വേരിയന്റിന് 10,499 രൂപയാണ് വില. 6 ജിബി റാമും 128 ജിബി സ്റ്റോറേജുമുള്ള റെഡ്മി 12 5ജിക്ക് 12,499 രൂപയും 8 ജിബി റാമും 256 ജിബി സ്റ്റോറേജുമുള്ള വേരിയന്റിന് 14,499 രൂപയുമാണ് വിലയായി വരുന്നത്. എംഐ.കോം, ഫ്‌ളിപ്പ്കാർട്ട്, ആമസോൺ തുടങ്ങിയ ഓൺലൈൻ പ്ലാറ്റ്‌ഫോമുകളിൽ ഫോൺ ലഭ്യമാണ്. കൂടാതെ ഐസിഐസിഐ ക്രെഡിറ്റ്, ഡെബിറ്റ് കാർഡുകൾ ഉപയോഗിച്ച് റെഡ്മി 12- 5 ജി സ്മാർട്ട്‌ഫോണുകളുടെ 4 ജിബി ഡിവൈസ് വാങ്ങുമ്പോൾ 1,000 രൂപ ഇൻസ്റ്റന്റ് ഡിസ്‌കൗണ്ടായി ലഭിക്കുന്നതാണ്.