ഐസ്വാൾ: മിസോറാമിൽ നടപ്പിലാക്കുന്ന വികസന പ്രവർത്തനങ്ങൾക്ക് പ്രധാനമന്ത്രിക്കും കേന്ദ്രസർക്കാരിനും നന്ദി പറഞ്ഞ് മിസോറാം ഗവർണർ ഹരി ബാബു കമ്പംപാട്ടി. മിസോറാമിന്റെ വികസനത്തിന് നാഴികല്ലായി മാറാൻ പോകുന്ന ബൃഹത് പദ്ധതിയായ ഐസ്വാൾ- ഹിബാച്ചു റെയിൽവേ പാത യാഥാർത്ഥ്യമാക്കാൻ കേന്ദ്രം നടത്തുന്ന ദ്രുതഗതിലുള്ള പ്രവർത്തനങ്ങൾക്കാണ് ഗവർണർ ഔദ്യോഗികമായി നന്ദി അറിയിച്ചത്. 223 കിലോമീറ്റർ വരുന്ന റെയിൽവേ പാത മിസോറാമിന്റെ തലസ്ഥാനമായ ഐസ്വാളിലെ സൈരാംഗ് മുതൽ മ്യാൻമർ അതിർത്തിക്കടുത്തുള്ള എച്ച്ബിചുവ വരെയാണ്. കഴിഞ്ഞ ദിവസമാണ് റെയിൽ പാതയുടെ അന്തിമ ലൊക്കേഷൻ സർവേയ്‌ക്ക കേന്ദ്രം അന്തിമ അംഗീകാരം നൽകിയത്.
‘സൈരാംഗിൽ നിന്ന് (ഐസ്വാൾ) മിസോറാമിന്റെ തെക്കേ അറ്റത്തുള്ള മ്യാൻമർ അതിർത്തിയായ ഹ്ബിച്ചുവയിലേക്ക് 223 കിലോമീറ്റർ റെയിൽ പാതയുടെ അന്തിമ ലൊക്കേഷൻ സർവേ അംഗീകരിച്ചുകൊണ്ട് മിസോറാമിന്റെ വികസനത്തിന് മികച്ച തീരുമാനമാണ് പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള കേന്ദ്രസർക്കാർ കൈക്കൊണ്ടത്. വളരെ ദൂരെയുള്ള രണ്ട് പ്രദേശങ്ങളെ റെയിൽവേ ലൈനിലൂടെ ബന്ധിപ്പിച്ചതിന് മിസോറാമിലെ ജനങ്ങൾ കേന്ദ്ര സർക്കാരിനോട് നന്ദിയുള്ളവരാണ്’. ഗവർണർ ട്വീറ്ററിൽ കുറിച്ചു.
Union Government under the leadership of Prime Minister Shri @narendramodi ji has taken yet another positive decision for the development of Mizoram by approving the final location survey of a 223 km rail line from Sairang (Aizawl) to (Hbichhuah) the Myanmar border in the… pic.twitter.com/clveKgnevm
— Dr. Hari Babu Kambhampati (@DrHariBabuK) August 7, 2023
നിർദ്ദിഷ്ട പുതിയ ബ്രോഡ്-ഗേജ് ലൈൻ ഇന്ത്യയും മ്യാൻമറും തമ്മിലുള്ള വ്യാപാര ബന്ധം ശക്തമാക്കും. വടക്കുകിഴക്കൻ സംസ്ഥാനങ്ങളുടെ സാമ്പത്തിക വികസനം പദ്ധതിയുടെ പ്രധാന ലക്ഷ്യമാണ്. പുതിയ പദ്ധതിയിലൂടെ മ്യാൻമറിലെ സിറ്റ്വെ തുറമുഖം വഴി വടക്കുകിഴക്കൻ ഇന്ത്യയിലേക്കുള്ള ചരക്ക് നീക്കത്തിനുള്ള ചെലവും സമയവും കുറയ്‌ക്കും. നിലവിൽ നോർത്ത് ഈസ്‌റ്റേൺ റെയിൽവേ നിരവധി പദ്ധതികളാണ് ഈ മേഖലയിൽ നടപ്പിലാക്കുന്നത്. ബൈരാബിക്കും സൈരാംഗിനും ഇടയിൽ നടപ്പിലാക്കുന്ന 51.38 കിലോമീറ്റർ ബ്രോഡ്-ഗേജ് റെയിൽവേ ലൈൻ പദ്ധതി അതിവേഗം പുരോഗമിക്കുകയാണ്. കൂടാതെ മ്യാൻമർ അതിർത്തിയിൽ 111 കിലോമീറ്റർ ദൈർഘ്യമുള്ള ഇംഫാൽ-മോറെ റെയിൽവേ ലൈൻ കണക്റ്റിവിറ്റി പദ്ധതിയുടെ അവസാന ലൊക്കേഷൻ സർവേയും പൂർത്തിയായി.
Comments