ശാരീരിക ആരോഗ്യം പോലെ ഏറ്റവും വിലപ്പെട്ട ഒന്നാണ് മാനസികാരോഗ്യം. പലരും തങ്ങളുടെ മാനസികാരോഗ്യം മോശമാകുന്നത് അറിയാറില്ല. പ്രായമായവരിലാണ് മാനസികാരോഗ്യ പ്രശ്നങ്ങൾ കൂടുതലായും കാണുന്നത്. മുതിർന്ന പൗരന്മാരിൽ 20 ശതമാനം പേർക്കും ഏതെങ്കിലും വിധത്തിലുള്ള മാനസികാരോഗ്യപ്രശ്നങ്ങൾ ഉണ്ടാകാറുണ്ടെന്നാണ് വിവിധ പഠനങ്ങൾ ചൂണ്ടികാണിക്കുന്നത്. മാനസികാരോഗ്യ നില ശരിയല്ലെങ്കിൽ നമുക്ക് തിരിച്ചറിയാൻ കഴിയില്ല.
സ്വാഭാവികമായി മാനസിക നില ശരിയല്ലാത്തവരിൽ കാണുന്നത് അകാരണമായി പെട്ടെന്ന് ദേഷ്യപ്പെടുക, അനാവശ്യമായി സംസാരിക്കുക എന്നിങ്ങനെയുള്ള ലക്ഷണങ്ങളാണ്. മറ്റുള്ളവരിൽ നിന്നും മാറി നിൽക്കുക, ഒറ്റപ്പെട്ടിരിക്കാൻ ശ്രമിക്കുക എന്നതും മാനസിക നില തകർന്നതിന്റെ ലക്ഷണമാണ്. മാനസികാരോഗ്യം കുറഞ്ഞ് തുടങ്ങിയാൽ, ആരുമായും സംസാരിക്കാനോ തങ്ങളുടെ പ്രശ്നങ്ങള് അവരുമായി പങ്കു വയ്ക്കാനോ മറ്റുള്ളവരുടെ പ്രശ്നങ്ങളും വാക്കുകളും കേള്ക്കാനും താല്പര്യം കുറയും. ദേഷ്യപ്പെടുക മാത്രമല്ല, കരയുകയും സങ്കടപ്പെടുകയുമെല്ലാം ചെയ്യും. സന്തോഷം എന്ന അവസ്ഥയുണ്ടാകില്ല, മറിച്ച് ഡിപ്രഷനാകും ഉണ്ടാകുക. മനസ് തുറന്ന് ഇവര്ക്ക് ചിരിയ്ക്കാനാകില്ല.
ഇത് ശാരീരികമായി ബാധിയ്ക്കുന്നത് വിശപ്പ് കുറവ് പോലുള്ള പ്രശ്നങ്ങളിലേക്ക് ആയിരിക്കും. ചിലര്ക്ക് വിശപ്പ് കുറയും, ഭക്ഷണം കഴിയ്ക്കാതിരിയ്ക്കും. മറ്റു ചിലര്ക്ക് ഇമോഷണല് ഈറ്റിംഗ് ആയിരിയ്ക്കും. വലിച്ച് വാരി കഴിയ്ക്കും. ദഹനക്കേട്, തലവേദന തുടങ്ങിയ പല പ്രശ്നങ്ങളും ഉണ്ടാകും. ഉറക്കുറവുണ്ടാകാം, കൂടുതല് സമയം ഉറങ്ങാന്, സമയം തെറ്റി ഉറങ്ങും, ഒരു കാര്യത്തിനോടും പ്രത്യേകിച്ച് താല്പര്യം ഉണ്ടാകില്ല.
മാനസികാരോഗ്യം വർദ്ധിപ്പിക്കുന്നതിനായി ദൈനംദിന ജീവിതത്തിൽ ചില കാര്യങ്ങൾ ചെയ്താൽ മതിയാകും. കൂടുതൽ വായിക്കുക, എഴുതുക തുടങ്ങിയ കാര്യങ്ങൾ ചെയ്യുന്നത് നല്ലതാണ്. ഇതിലൂടെ പുതിയ കാര്യങ്ങൾ അറിയാനും മനസ്സിന് നവോന്മേഷം പകരാനും സാധിക്കും. പുതിയൊരു ഭാഷ പഠിക്കാൻ ശ്രമിക്കണം. മറ്റൊരു ഭാഷയുടെ അക്ഷരമാല പഠിക്കാൻ ശ്രമിച്ചാൽ പോലും അതും ഗുണം ചെയ്യും.
സംഗീതോപകരണം വായിക്കാൻ പഠിക്കാം. ഇതും മനസ്സിന് ഉന്മേഷം പകരും. ബ്രെയിൻ ഗെയിമുകൾ, പസിലുകൾ എന്നിവയിലൂടെ തലച്ചോറിന് അൽപം ജോലി ചെയ്യുന്നതും നല്ലതാണ്. യോഗ, മാനസികാരോഗ്യം വർധിപ്പിക്കുന്നതിനു സഹായിക്കും. എപ്പോഴും ഒരിടത്ത് ഇരിക്കുകയും മൊബൈൽ ഫോണിൽ കൂടുതൽ സമയം ചിലവാക്കാതെയും ഇരിക്കുന്നത് നല്ലതാണ്. വീട്ടുകാരോടൊപ്പം കൂടുൽ സംസാരിക്കുകയും വീട്ടു ജോലികളിൽ ഏർപ്പെടുകയും ചെയ്യുന്നത് മാനസികോരോഗ്യം വർദ്ധിപ്പിക്കാൻ സഹായിക്കും .
Comments