കരാര് തീരും മുന്പ് എംബാപ്പെയെ വില്ക്കാനായില്ലെങ്കില് താരത്തെ കൊണ്ട് പന്ത് തൊടിക്കില്ലെന്ന് പിഎസ്ജി പ്രസിഡന്റ് നാസര് അല്-ഖെലൈഫി. താരം കരാര് തീരും വരെ ക്ലബില് തുടരാന് തീരുമാനിച്ചെന്ന് അന്താരാഷ്ട്ര മാദ്ധ്യമങ്ങള് റിപ്പോര്ട്ട് ചെയ്യുന്നു.ഈ സീസണ് പിഎസ്ജിയില് തുടര്ന്ന് താന് കരാര് പൂര്ത്തിയാക്കും എന്ന് പിഎസ്ജി ഉടമകളോടെ എംബപ്പെ കഴിഞ്ഞ ദിവസം പറഞ്ഞതായി ഫ്രഞ്ച് മാദ്ധ്യമങ്ങള് റിപ്പോര്ട്ട് ചെയ്യുന്നു. ഇതാകും താരത്തിന്റെ അന്തിമ തീരുമാനം എന്നാണ് താരവുമായി അടുത്ത വൃത്തങ്ങള് പറയുന്നത്.
എന്നാല് കരാര് പുതുക്കാതെ പിഎസ്ജി താരത്തെ കളിക്കാന് വിടില്ല എന്ന നിലപാടിലാണ്. താരത്തെ ഫസ്റ്റ് ടീമിനൊപ്പം പരിശീലനം നടത്താന് പോലും ക്ലബ് വിടുന്നില്ല. ജപ്പാനിലെയും ദക്ഷിണ കൊറിയയിലെയും പിഎസ്ജിയുടെ പ്രീസീസണ് യാത്രയിലും എംബപ്പെ ഭാഗമായിരുന്നില്ല. സീസണ് ഈ ആഴ്ച ആരംഭിക്കാന് നില്ക്കുകയാണ്. എന്നാല് എംബാപ്പെ ലൂയിസ് എന്റിക്വെയുടെ ആദ്യ ടീമിന്റെ ഭാഗമാകില്ല. അടുത്ത ആഴ്ച നടക്കുന്ന സീസണിലെ ആദ്യ മത്സരത്തിലും എംബപ്പെ ഉണ്ടാകില്ല.
ഫ്രഞ്ച് സൂപ്പര് താരത്തോടെ ഒരു വര്ഷം കൂടി കരാര് നീട്ടാന് ആവശ്യപ്പെട്ടിരുന്നെങ്കിലും താരം ഇത് നിരസിച്ചു.ഇതോടെയാണ് ക്ലബുമായുള്ള തര്ക്കം രൂക്ഷമായതും ക്ലബ് താരത്തിനെതിരെ കടുത്ത നടപടികള് സ്വീകരിച്ചതും. എംബപ്പെയെ വില്ക്കാന് ആണ് പി എസ് ജി തീരുമാനം എങ്കിലും റയല് മാഡ്രിഡ് അല്ലാതെ ഒരു ക്ലബിലേക്കും പോകാന് എംബപ്പെ തയ്യാറ?ല്ലെന്നാണ് വിവരം. അതേസമയം കരാര് പൂര്ത്തിയാക്കി താരത്തെ ഫ്രീ ഏജന്റായി സ്വന്തമാക്കാണ് റയല് ശ്രമിക്കുന്നത്.
