ബദരീനാഥ് ക്ഷേത്രദർശനം നടത്തി നടൻ രജനീകാന്ത്. വൻ വരവേൽപ്പാണ് ബദരീനാഥ്-കേദാർനാഥ് ക്ഷേത്ര കമ്മിറ്റി ഭാരവാഹികൾ അദ്ദേഹത്തിന് നൽകിയത്. തുളസി മാലയും പ്രസാദവും സ്വീകരിച്ചാണ് അദ്ദേഹം ദർശനം പൂർത്തിയാക്കിയത്. സ്വർണ്ണ ആരതിയിൽ പങ്കെടുത്ത് ക്ഷേത്രതന്ത്രി ഈശ്വരി പ്രസാദ് നാംനൂതിരിയുമായി കൂടിക്കാഴ്ചയും നടന്നു.
താരത്തിന്റെ വരവറിഞ്ഞ് നിരവധി പേരാണ് ക്ഷേത്രത്തിലും പരിസരത്തും തടച്ച് കൂടിയത്. തുടർന്ന് അവരുമായി സംവദിച്ച ശേഷമായിരുന്നു രജനീകാന്ത് മടങ്ങിയത്. താരം വരും ദിവസങ്ങളിൽ ബദരീനാഥിൽ തങ്ങുമെന്ന് വൃത്തങ്ങൾ അറിയിച്ചു.
VIDEO | Actor @rajinikanth visited the Badrinath temple in Uttarakhand earlier today. pic.twitter.com/wi3irssRAQ
— Press Trust of India (@PTI_News) August 12, 2023
ഹിമാലയ യാത്രയിലായിരുന്നു താരം കഴിഞ്ഞ കുറച്ച് ദിവസങ്ങളായി. ഇവിടെ നിന്നുള്ള രജനീകാന്തിന്റെ ചിത്രങ്ങൾ വൈറലായിരുന്നു. സുഹൃത്തുക്കൾക്കൊപ്പം നദീത്തീരത്ത് നിൽക്കുന്ന ചിത്രമാണ് പുറത്തുവന്നിരിക്കുന്നത്. ‘ ലോകം തന്നെ ആഘോഷമാക്കുമ്പോൾ, ആത്മീയ യാത്രയിലാണ് അദ്ദേഹം’ എന്ന തലക്കെട്ടോടെയാണ് പുത്തൻ ചിത്രം പങ്കുവെച്ചിരിക്കുന്നത്. തന്റെ എല്ലാ സിനിമയുടെ റിലീസിന് രണ്ട് ദിവസം മുൻപ് ഹിമാലയത്തിൽ പോകുന്ന പതിവുള്ള താരമാണ് രജനീകാന്ത്. സിനിമ വിജയമോ, പരാജയമോ അതൊന്നും തന്നെ ബാധിക്കാതെ ഈ വേളയിൽ ആത്മീയ യാത്രയിലായിരിക്കും താരം.
രജനികാന്തിന്റെ 169-ാമത്തെ ചിത്രമായ ജയിലർ തിയേറ്ററുകൾ കീഴടക്കി മുന്നേറുകയാണ്. മുത്തുവേൽ പാണ്ഡ്യനായി തകർത്തഭിനയിച്ച ചിത്രം സംവിധാനം ചെയ്തത് നെൽസണാണ്. സൺ പിക്ചേഴ്സിന്റെ ബാനറിൽ കലാനിധി മാരനാണ് ജയിലർ നിർമ്മിച്ചിരിക്കുന്നത്. തമന്നയാണ് ചിത്രത്തിൽ നായികയായി എത്തുന്നത്. അനിരുദ്ധാണ് സംഗീതം. കാമിയോ റോളിൽ മാത്യുവെന്ന കഥാപാത്രവുമായി മോഹൻലാലും എത്തുന്നുണ്ട്.
